Túrkistanda oblys turǵyndaryn joǵary jyldamdyqty internetpen qamtý baǵytynda jinalys ótti.
Atalǵan baǵytta “Qazaqtelekom” bailanys operatorynyń seriktesi «OK Telecom» JShS ókilderi men Túrkistan oblysy tsifrlandyrý, memlekettik qyzmetter kórsetý jáne arhivter basqarmasy mamandary arasynda kelissózder júrgizildi, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qos taraptyń kelisimi boiynsha búginde Saryaǵash aýdany Dostyq-2 shekara aýmaǵynda ornalasqan eldimekender joǵary jyldamdyqty internetpen qamtyldy.
Oǵan qosa Yntymaq, Bostandyq, Eńkes, Derbisek eldi mekenderin úi jaǵdaiyndaǵy joǵary jyldamdyqty internetke qosý jumystary júrgizilýde. Bul óz kezeginde, aýyl turǵyndaryna qashyqtan oqýǵa, jumys jasaýǵa jáne zamanaýi tsifrlyq tehnologiialardyń barlyq artyqshylyqtaryn paidalanýǵa múmkindik beredi.
Oblys aýmaǵyndaǵy aýyldyq eldi mekenderdi sapaly internetpen qamtý jol kartasyna sáikes, Saryaǵash aýdany boiynsha Ksell uialy bailanys operatorynyń 5 bazalyq stantsiiasyn jáne Bilain uialy bailanys operatorynyń 16 bazalyq stantsiiasyn ornatý jumystary júrgizilýde. Osy rette jańa bazalyq stantsiia ornatýǵa turǵyndar tarapynan týyndaǵan radiofobiia máselesi eldi mekenderdi tolyqqandy jospar boiynsha mobildi internetpen qamtylýyna kedergi keltirýde. Osyǵan bailanysty oblys turǵyndaryn túsinistikpen qaraýǵa shaqyramyz!
Aita keteiik, Saryaǵash aýdany boiynsha , «OK Telecom» bailanys jelisine Yntymaq aýylynan 155 abonent, Bostandyq – 85 abonent, Dostyq 1.2 - 130 abonent, Eńkes - 120 abonent, al Derbisek eldi mekeninen - 35 abonent qosyldy.
