Osy olqylyqtyń ornyn toltyrý úshin Oranǵaı aýyldyq okrýginde «Iassy qus» sharýa qojalyǵy qurylǵan bolatyn. Qazir onda nemistiń kóp jumyrtqalaıtyn tuqymynyń taýyqtary ósirilýde. Byltyr jumyrtqa baǵytyndaǵy 22 myń shójeni Almatydan ákelip, jobanyń 1-kezeńin iske qosty.
Bul taýyqtar 26 saǵatta 1 jumyrtqa salady. Demek 22 myń qus kúnine 20 myń jumyrtqa tabady, bir jylda jumyrtaq 7 mıllıonnan asady. Endi osy jobanyń 2-kezeńin iske qosylýda. Sharýashylyq ıesi ATF Bankten 73 mıllıon teńge nesıe alǵan. 15 paıyzdyq ústemeaqymen. Onyń 7 paıyzyn «Damý» kásipkerlikti damytý qory arqyly memleket tólep otyr. Sonda kásipkerge 8 paıyzy ǵana qalady.
Búginde Belgıadan qajetti qural-jabdyqtardy ákelip, jumyrtqa baǵytyndaǵy 32 myń bas qusty ósirýde. Iaǵnı aldaǵy ýaqytta Túrkistan qalasy turǵyndary jergilikti jerde óndirilgen jumyrtqany tutynatyn kún de alys emes.
Memleket qoldaý kórsetip jatqandyqtan, qazir bul baǵytta sharýalardyń ynta-yqylasy jaqsy. Bir jylda 20 mıllıon jumyrtqa óndirgen sharýaǵa memleket tarapynan qoldaý kórsetiledi. Mundaıda árbir jumyrtqaǵa 2 teńgeden sýbsıdıa tólenedi. Eger «Iassy qus» óz sharýashylyǵynyń 3-kezeńin iske qossa, bul mejeni bir ózi-aq baǵyndyrýǵa qaýqary jetedi. Sonda 40 mıllıon teńge sýbsıdıa alady degen sóz. Budan memleket te, kásipker de utatyny anyq. Biraz adam jumyspen qamtylyp, salyq túsimderi de tolyǵa túsetini belgili.
Dalanews.kz
