وسى ولقىلىقتىڭ ورنىن تولتىرۋ ءۇشىن ورانعاي اۋىلدىق وكرۋگىندە «ياسسى قۇس» شارۋا قوجالىعى قۇرىلعان بولاتىن. ءقازىر وندا نەمىستىڭ كوپ جۇمىرتقالايتىن تۇقىمىنىڭ تاۋىقتارى وسىرىلۋدە. بىلتىر جۇمىرتقا باعىتىنداعى 22 مىڭ شوجەنى الماتىدان اكەلىپ، جوبانىڭ 1-كەزەڭىن ىسكە قوستى.
بۇل تاۋىقتار 26 ساعاتتا 1 جۇمىرتقا سالادى. دەمەك 22 مىڭ قۇس كۇنىنە 20 مىڭ جۇمىرتقا تابادى، ءبىر جىلدا جۇمىرتاق 7 ميلليوننان اسادى. ەندى وسى جوبانىڭ 2-كەزەڭىن ىسكە قوسىلۋدا. شارۋاشىلىق يەسى اتف بانكتەن 73 ميلليون تەڭگە نەسيە العان. 15 پايىزدىق ۇستەمەاقىمەن. ونىڭ 7 پايىزىن «دامۋ» كاسىپكەرلىكتى دامىتۋ قورى ارقىلى مەملەكەت تولەپ وتىر. سوندا كاسىپكەرگە 8 پايىزى عانا قالادى.
بۇگىندە بەلگيادان قاجەتتى قۇرال-جابدىقتاردى اكەلىپ، جۇمىرتقا باعىتىنداعى 32 مىڭ باس قۇستى وسىرۋدە. ياعني الداعى ۋاقىتتا تۇركىستان قالاسى تۇرعىندارى جەرگىلىكتى جەردە وندىرىلگەن جۇمىرتقانى تۇتىناتىن كۇن دە الىس ەمەس.
مەملەكەت قولداۋ كورسەتىپ جاتقاندىقتان، ءقازىر بۇل باعىتتا شارۋالاردىڭ ىنتا-ىقىلاسى جاقسى. ءبىر جىلدا 20 ميلليون جۇمىرتقا وندىرگەن شارۋاعا مەملەكەت تاراپىنان قولداۋ كورسەتىلەدى. مۇندايدا ءاربىر جۇمىرتقاعا 2 تەڭگەدەن سۋبسيديا تولەنەدى. ەگەر «ياسسى قۇس» ءوز شارۋاشىلىعىنىڭ 3-كەزەڭىن ىسكە قوسسا، بۇل مەجەنى ءبىر ءوزى-اق باعىندىرۋعا قاۋقارى جەتەدى. سوندا 40 ميلليون تەڭگە سۋبسيديا الادى دەگەن ءسوز. بۇدان مەملەكەت تە، كاسىپكەر دە ۇتاتىنى انىق. ءبىراز ادام جۇمىسپەن قامتىلىپ، سالىق تۇسىمدەرى دە تولىعا تۇسەتىنى بەلگىلى.
Dalanews.kz
