Memleket basshysy Qasym-Jomart Toqaev týrizmdi damytý, infraqurylymdy jaqsartý jóninde tapsyrma berdi. Osy rette Túrkistan oblysy ákiminiń birinshi orynbasary Zulpyhar Joldasov «Shardara» sý qoimasy mańyndaǵy týristik aimaqtardyń jumysyn tekserdi.
Jazǵy demalys maýsymynda jaǵajailardaǵy sanitarlyq tazalyq pen kelýshilerdiń qaýipsizdigi nazarda turǵan másele. Oblys ákimi Nuralhan Kósherov keshe ǵana demalys oryndarynda tártip pen qaýipsizdikti qatań saqtaýdy tapsyrǵan bolatyn.
Atalǵan tapsyrma aiasynda tiisti jumystar júrip jatyrn. Salaǵa jaýapty basshylar birqatar týristik nysandardy aralap, qyzmet kórsetý sapasy, infraqurylymnyń jai-kúii jáne tazalyq talaptarynyń oryndalý barysyn kórdi.
Jaýapty tulǵalar men jaǵajai jumysyn júrgizip jatqan kásipkerlerge anyqtalǵan kemshilikter boiynsha syn-eskertpe aitylyp, naqty tapsyrmalar berildi. Tazalyq, qaýipsizdik talaptaryn saqtamaǵandarmen zań sheńberinde jumys júrgizilýde.
Sonymen birge jaǵajailarda qutqarýshylar sanyn kóbeitý, sýǵa tym jaqyn ornalasqan sákilerdi talapqa sai alystatý, avtoturaqty retteý jumystary júrgizilýde. Monitoring jumystary turaqty jalǵasady.
Túrkistan oblysy ákiminiń baspasóz qyzmeti
