Memleket basshysy Qasym-Jomart Toqaev jýyrda ótken Úkimettiń keńeitilgen otyrysynda aimaqtarǵa aýyl sharýashylyǵynyń egis alqaptarynda sýdy kóp qajet etetin daqyldardy azaityp, meilinshe qurǵaqshylyqqa tózimdi daqyldardy kóbeitý, sý únemdeitin tehnologiiany kóptep engizý jáne sýdy únemdep paidalaný mádenietin qalyptastyrý jóninde tapsyrma bergen bolatyn.
Osy baǵytta aýdan ákim Arman Qarsybaev aýdanda tamshylatyp sýǵarý ádisimen 370 gektar kúnbaǵys ósirip jatqan «IIRJARAGRO» JShS sharýa qojalyǵynyń jumysymen tanysty, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Diqandardyń ótinishterin tyńdady. Sondai-aq memleket tarapynan jasalatyn qoldaýlardy túsindirip, aýdandaǵy aýyl sharýashylyǵy salasyn zamanaýi túrde damytý kerektigin jetkizdi.
Jaýshyqum aýylyndaǵy «IIRJARAGRO» JShS sharýa qojalyǵy túrkiialyq investorlarmen birge 500 gektar egistik alqabyn igerip otyr. Biyl 370 gektaryna kúnbaǵys egip, ony tamshylatyp sýǵarý ádisimen ósirýde. Budan bólek, sharýa qojalyǵynyń basshylyǵy 100 gektardan astam aýmaqqa kartop egýdi josparlap otyr.
Sharýa qojalyǵy 11 adamdy turaqty jumyspen qamtysa, jumys aýqymyna bailanysty 20-30 adamǵa qosymsha jumys berip otyr. Munda 23 aýyl sharýashylyǵy tehnikasy jumys isteidi. Kúnbaǵys ónimin QHR, Túrkiia, Ázerbaijan elderi men ishki naryqqa ótkizýdi josparlaǵan.
«Aldaǵy ýaqytta memlekettiń qoldaýy aiasynda sharýa qojalyǵyn damytyp, zaýyt ashýǵa da niettimiz. Bul tamshylatyp sýǵarý dúnie júzi boiynsha sý tapshylyǵynyń aldyn alatyn jáne ónimdilikti kóbeitetin ádis dep bilemin», deidi sharýa qojalyǵynyń ókili Orazaly Shyrshyqbaev.
