Túrkistan oblysynda ótken apta ishinde 30 eldi mekende júrgizilgen senbilikke 50 myńnan astam turǵyn atsalysty. Tazalyq jumystaryna 69 tehnika tartylyp, bir aptada 250 tonnaǵa jýyq qoqys jinalyp, shyǵaryldy.
Memleket basshysynyń «Taza Qazaqstan» jalpyulttyq bastamasy aiasynda 400 shaqyrymdai aýyl joldary tazalandy. 121 memlekettik mekemelermen irgeles aýmaqtar, 500-den astam kásipkerlik nysandary men irgeles aýmaqtaryny tazalandy.
57 aialdama men 1 291 kóshe boiyndaǵy aǵashtar retke keltirildi. Túrkistan oblysy ákimi apparatynyń aptalyq májilisinde osy baǵyttaǵy jumystar baiandaldy. Óńir basshysy Darhan Satybaldy jaýaptylarǵa jumysty jandandyrýdy tapsyrdy. Tazalyq sharasynyń tynymsyz júrgiziletinin eskertti.
Ekologiialyq aktsiianyń maqsaty — qoǵamnyń tazalyqty saqtaýǵa degen kózqarasyn ózgertý, tabiǵatty aialaý, turǵyndarǵa qorshaǵan ortany qorǵaý jáne ony lastamaý mádenietin qalyptastyrý.
Arys qalasynda ótken ekoaktsiiaǵa qala turǵyndary, memlekettik organdar, kásiporyn qyzmetkerleri, ardagerler, sportshylar men óner azamattary, eńbek ujymdarynyń ókilderi, qala jastary jumyldyryldy. 23 tonnadan astam qoqys shyǵaryldy.
Buǵan qosa, oblystaǵy demalys aimaqtarynda tazalyqty qamtamasyz etý maqsatynda Energetika jáne turǵyn-úi kommýnaldyq sharýashylyq basqarmasy jáne Túlkibas aýdanynyń ákimdiginiń uiymdastyrýymen «Taza Qazaqstan» ekoaktsiiasy aiasynda «Mashat shatqalynda» senbilik jumystary júrgizildi.
Ekologiialyq aktsiiaǵa qatysqan barsha túrkistandyqtarǵa alǵysyn aitqan oblys ákimi Otanshyldyq – tazalyqtan bastalatynyn aityp, týǵan jerdiń tazalyǵyn saqtaý, tabiǵatyn qorǵaý árbir adamnyń mindeti ekenin jetkizdi.
– El ishinde ótip jatqan mańyzdy ekosharany qoldaǵan barsha jerlesterime alǵysymdy jetkizemin. Mádeniettiliktiń -bastaýy – tazalyqta. Tazalyq tabaldyryqtan bastalady. Aýla taza bolsa, aýa da taza bolady.
Biz tazalyqty saqtaý, aǵash egý, ainalany gúldendirýdi ómirlik daǵdyǵa ainaldyrýymyz kerek. Beijai qaramaý kerek. Óz ortamyzdy, ainalamasyzdy taza ustaýymyz kerek. Kei baitaq dalamyz da, aýyl da qalalarymyz, bári de – ózimizdiki. Bizge eshkim syrttan kelip, ony tazalap bermeidi. Bar bailyǵymyzǵa janashyrlyqpen qaraiyq. Tazalyq báriniń ainasy. Bizge kelip jatqan qonaqtar aldymen kire beristen tórge deiin tazalyqqa qaraidy. Sonyqtan onsy jaqtartýǵa ir adamdai atsalyssaq, - dedi Darhan Satybaldy.
Tazalyqty saqtaý týraly jumystar densaýlyq saqtaý salasynda da qarqyndy júrgizilýde. Barlyq 724 densaýlyq saqtaý nysandaryna senbilik jumystary júzgizilýde.
Óńirde 600-ge jýyq senbilik ótkizý josparlanǵan. Ekosharaǵa barynsha qoǵamdyq jumysshylar da tartylýda. Búginde 6 myńnan astam tazalyq jumystaryna, 1 myńnan astam qyzmetshi kógaldandyrý jumystaryna atsalysýda.
Túrkistan oblysy ákiminiń baspasóz qyzmeti
