4 jylda qalaǵa tartylǵan investitsiia kólemi 8 esege artyp, jalpy 793,2 mlrd teńgeni quraǵan. Onyń ishinde 50%-ǵa jýyǵy – jeke investitsiialar. Oblys ákimi Ómirzaq Shókeev qaladaǵy qurylys nysandary men kógaldandyrý barysyn kezekti ret qadaǵalap, qalany jaiaý aralady.
– Ár sektor ózine tiesili aýmaqty júieli túrde abattandyrýy tiis. Osy kóshetter men jasyl jelekti sýǵarý jumysy da toqtamaýy kerek. Qalada aýyz sý máselesi 100 paiyz sheshilgen. Aǵyn sý máselesi de sheshilip jatyr. Aǵyn sý kólemi kóbeidi. Bul – jasyl jelekti arttyrýǵa úlken múmkindik, – degen Ómirzaq Shókeev jaýaptylarǵa birqatar tapsyrma berdi.
Búginde Túrkistan saiabaqtary men kóshelerindegi aǵashtar kógerip jatyr. Onyń ishinde sakýra men magnoliia aǵashy da gúldegenin aita ketken jón.
Qala aýmaǵynda 225 gektarda 30 saiabaq,
13,6 gektarda 15 gúlzar men alleia bar. Túrkistan qalasyn abattandyrý maqsatynda «Jelilik saiabaq», «Tóle bi» saiabaǵy, «Shatqal» saiabaǵy, «Otyrar» móltek aýdanyndaǵy kópqabatty turǵyn úiler aýmaǵyn kógaldandyrý jumystary júrgizilip jatyr.
Budan bólek, 1 móltek aýdandaǵy kópqabatty turǵyn úilerdiń aýlasyn abattandyrý qolǵa alynǵan.
