4 جىلدا قالاعا تارتىلعان ينۆەستيسيا كولەمى 8 ەسەگە ارتىپ، جالپى 793،2 ملرد تەڭگەنى قۇراعان. ونىڭ ىشىندە 50%-عا جۋىعى – جەكە ينۆەستيسيالار. وبلىس اكىمى ءومىرزاق شوكەيەۆ قالاداعى قۇرىلىس نىساندارى مەن كوگالداندىرۋ بارىسىن كەزەكتى رەت قاداعالاپ، قالانى جاياۋ ارالادى.
– ءار سەكتور وزىنە تيەسىلى اۋماقتى جۇيەلى تۇردە اباتتاندىرۋى ءتيىس. وسى كوشەتتەر مەن جاسىل جەلەكتى سۋعارۋ جۇمىسى دا توقتاماۋى كەرەك. قالادا اۋىز سۋ ماسەلەسى 100 پايىز شەشىلگەن. اعىن سۋ ماسەلەسى دە شەشىلىپ جاتىر. اعىن سۋ كولەمى كوبەيدى. بۇل – جاسىل جەلەكتى ارتتىرۋعا ۇلكەن مۇمكىندىك، – دەگەن ءومىرزاق شوكەيەۆ جاۋاپتىلارعا ءبىرقاتار تاپسىرما بەردى.
بۇگىندە تۇركىستان ساياباقتارى مەن كوشەلەرىندەگى اعاشتار كوگەرىپ جاتىر. ونىڭ ىشىندە ساكۋرا مەن ماگنوليا اعاشى دا گۇلدەگەنىن ايتا كەتكەن ءجون.
قالا اۋماعىندا 225 گەكتاردا 30 ساياباق،
13،6 گەكتاردا 15 گۇلزار مەن اللەيا بار. تۇركىستان قالاسىن اباتتاندىرۋ ماقساتىندا «جەلىلىك ساياباق»، «تولە بي» ساياباعى، «شاتقال» ساياباعى، «وتىرار» مولتەك اۋدانىنداعى كوپقاباتتى تۇرعىن ۇيلەر اۋماعىن كوگالداندىرۋ جۇمىستارى جۇرگىزىلىپ جاتىر.
بۇدان بولەك، 1 مولتەك اۋدانداعى كوپقاباتتى تۇرعىن ۇيلەردىڭ اۋلاسىن اباتتاندىرۋ قولعا الىنعان.
