Saýran aýdanynda «Zań men tártip aptalyǵy» sheńberinde bekitilgen is-sharalar josparyna sáikes, «Tabiǵatqa qamqorlyq jasaý» kúni atalyp ótti. Bastama aiasynda Oranǵai aýyldyq okrýginde ekologiialyq tazalyq sharasy ótti,- dep habarlaidy Dalanews.kz
Atalǵan sharany aýdan ákimdigi men aýdandyq politsiia bólimi birlese uiymdastyryp, jergilikti turǵyndar men jastar, eńbek ujymdary, sondai-aq memlekettik qyzmetshiler atsalysty. Senbilikke 100-ge jýyq adam qatysyp, 7 birlik arnaiy tehnika tartyldy. Qarashyq ózeniniń 7 shaqyrymdyq jaǵalaýy turmystyq qaldyqtardan tolyqtai tazartyldy.
Sharaǵa aýdan ákiminiń orynbasary Álimjan Sihymbai arnaiy qatysyp, jinalǵan turǵyndarǵa óziniń alǵysyn bildirdi. Ol óz sózinde tabiǵatty saqtaý – el bolashaǵyna degen qamqorlyq ekenin atap ótip, barlyq qatysýshylardy osyndai igi bastamalarǵa belsene aralasýǵa shaqyrdy.
«Memleket basshysy Qasym-Jomart Toqaev óz Joldaýlarynda qorshaǵan ortany qorǵaý, ekologiialyq mádenietti qalyptastyrý máselelerine erekshe nazar aýdaryp keledi. Búgingi tazalyq aktsiiasy – sol baǵyttaǵy qadamnyń biri. Mundai sharalar eldiń birligin, qoǵamnyń belsendiligin, turǵyndardyń týǵan jerge degen janashyrlyǵyn kórsetedi. Sondyqtan árbir azamattyń mundai bastamalarǵa úles qosýy – asa mańyzdy», – dedi Álimjan Sihymbai.
