Memleket basshysy Joldaýynda halyqtyń ál-aýqatyn arttyrý basty maqsat ekendigin atap ótken bolatyn. Túrkistan oblysynyń ákimi Darhan Satybaldy aýdan, qala ákimderine investitsiia tartý arqyly jańa jumys oryndarýyn qurý baǵytynda naqty tapsyrmalar júktedi. Osy tapsyrmany negizge ala otyryp, Saýran aýdany ákimdiginiń bastamasymen biznes ókilderinen quralǵan delegatsiiasy QHR-ǵa arnaiy issaparmen bardy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sapardyń negizgi maqsaty – oblysqa investitsiia tartý, ekijaqty saýda men ekonomikalyq yntymaqtastyqty arttyrý jáne jergilikti kásipkerlermen tájiribe almasý.
Saýrandyqtar birinshi kezekte Boro-Tala qalasyndaǵy Arasan aýdanynyń kásiporyndaryn aralap kórdi. Balyq sharýashylyǵy, sańyraýqulaq pen tátti júgeri óndirisiniń jumystarymen tanysty. Qytaidaǵy akva mádeniet negizinen jergilikti halyqtyń kúrish ósirýi kezinde damyǵan. Qytai áli kúnge deiin álemde bul kásip salasy boiynsha aldyna jan salmai keledi. Sebebi, qazir eń tabysy mol biznestiń túri osy balyq sharýashylyǵyna tiesili. Atalǵan qalada balyq ósirý keńinen qolǵa alynǵan. «Salqyn sý» balyq sharýashylyǵynda bekire, forel, iantar balyq túrin ósiredi. 30 jyldan astam dál osy kásippen ainalysqan sharýa qojalyǵynda bekire balyqtyń uzyndyǵy 4-5 metrge deiin jetedi, salmaǵy 90 keliden asatyn balyqtar bar.
Delegatsiia quramyna ónimdi ósirý múmkindigi túsindirildi. Sonymen qatar «Ken iýan» sańyraýqulaq óndirisiniń jumysy tanystyryldy. Qytai Halyq Respýblikasynda 22 túrli sańyraýqulaq ónimderin tutynsa, munda onyń 11 túri ósirilip, satylymǵa shyǵarylady.
Sapardyń ekinshi kúni saýrandyqtar maqtany tereńdetip ósirý, tuqym óndirý jáne ony óńdeý, jip shyǵarý tehnologiiasymen tanysty. Arasan qalasynyń shahar basshylyǵymen ekijaqty kezdesý ótkizip, Túrkistan oblysyna kelýge shaqyrdy. Nátijesi boiynsha Qytaidyń bai tájiribesi negizinde Túrkistan óńirinde jergilikti kásipkerlerdiń qoldaýymen aldaǵy ýaqytta birneshe zaýyt-fabrika jumys isteidi degen jospar bar. Sapar apta sońyna deiin jalǵasady.
