Búgingi kúni áýejai terminalynyń irgetasy aiaqtalyp, ushý-qoný jolaǵyna qajetti qumdy-shaǵal tasty qospanyń birinshi qabaty tóselinýde. Sondai-aq, rýldeý joly men perronnyń jumystary aiaqtalyp otyr.
Áýejai jalpy 900 gektar aýmaqty qamtityn bolady. Onda terminal, ushý-qoný jolaǵy jáne basqa da nysandar salý josparlanǵan. Halyqaralyq áýejai 2020 jyldyń sońyna qarai paidalanýǵa beriledi dep kútilýde.
«YDA Group» kompaniiasynyń basqarma tóraǵasy Arslan Hýseinniń aitýynsha, Túrkistan halyqaralyq áýejaiy halyqaralyq standartqa sai jáne zamanaýi qurylys tehnologiiasymen salynýda. Terminal jylyna 3 millionǵa jýyq jolaýshyǵa qyzmet kórsete alady.
Aita keterligi, Túrkistan qalasynda jańadan salynyp jatqan halyqaralyq áýejaiǵa baratyn avtomobil jolynyń jalpy uzyndyǵy – 16,3 shaqyrym. Áýejai jolyn tolyǵymen 2020 jyldyń qyrkúiek aiynda aiaqtaý kózdelýde.
Túrkistan oblysy ákiminiń baspasóz qyzmeti
