Túrkistandaǵy «Turan» arnaiy ekonomikalyq aimaǵynda jańa zaýyttyń irgetasyn qalaý rásimi ótti, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Oǵan Túrkistan oblysynyń ákimi Darhan Satybaldy arnaiy qatysyp, jańa jobany júzege asyrý baǵytyndaǵy jumystarǵa sáttilik tiledi.
– Óndiris oryndaryn ashý, jumys oryndaryn kóbeitý – negizgi baǵytymyz. Túrkistan oblysynda osy salaǵa nazar aýdarylyp, tiisti jumys júrýde. Investorlarmen kelissózder júrgizilip, mańyzdy kelisimder jasalyp jatyr. Búgin irgetasy qalanǵan zaýyt ta óńirdiń áleýetin kóterýge serpin beredi degen oidamyn. Jumystaryńyzǵa sáttilik tileimin, – dedi Darhan Satybaldy.
«PSI Machinery» kompaniiasynyń direktory Pavel Beklemishev jobamen tanystyrdy.
«PSI Machinery» kompaniiasynyń bul zaýytynda taý-ken isine jáne qurylystyń ózge de salalaryna baǵytalǵan aýyr qurylǵylar, júk kólikteri men tehnikalarǵa arnalǵan shydamdy tirkemeler, bólshekter, metall konstrýktorlary shyǵarylady.
Jobanyń quny – 8,33 mlrd teńge. Jer aýmaǵy – 20 gektar, 200 adam jumyspen qamtylady. 2025 jyly ashylatyn zaýyttyń jyldyq qýattylyǵy – 965 tonna. Aita keteiik, PSI – bul PSI Engineering, PSI Energy & Control jáne Qarasai mashina óndirý zaýyty (QMOZ) kiretin jalpy tanylǵan kompaniialar toby. 2002 jyly qurylǵan.
Top injenerlik jobalaý men materialdyq-tehnikalyq jabdyqtaýdan bastap, ónerkásiptik obektilerdi salýǵa jáne paidalanýǵa berýge, sondai-aq taý-ken ónerkásibin, energetikany, metaldar men munai men gazdy qosa alǵanda, naryqtyń negizgi sektorlary úshin metall konstrýktsiialary men modýldik qosalqy stantsiialardy daiyndaýǵa deiingi keshendi qyzmetterdi usynady.
Búgingi tańda PSI Group kompaniiasynda 2000-nan astam adam jumys isteidi. Seriktesteri: «KAZ Minerals» JShS, «Teńizshevroil» JShS, «Qarashyǵanaq Petroliým Opereiting B. V.», «Karabatan Utility Solutions» JShS, «KATKO» BK JShS, «Qazhrom» TUK» AQ jáne ózgeler.
