Túrkistan: Partiia filialy «Qamqorlyq» baǵdarlamasyn bastap ketti
Jýyrda Túrkistan oblysynyń ákimi Ómirzaq Shókeev «Qamqorlyq» jobasyn jariialaǵan bolatyn. Bul jobanyń maqsaty – turmys jaǵdaiy óte tómen otbasylardy túgel anyqtap, olarǵa júieli kómek kórsetý. Joba boiynsha oblystyq biýdjet, demeýshiler jáne qaiyrymdylyq qorlary arqyly kedei otbasynyń árbir múshesine meditsinalyq, jumysqa ornalasý, azyq-túlik pen turmystyq zattar áperý, bilim alý jáne ózge de máseleler boiynsha turaqty kómek kórsetilip, olardyń eńse tikteýlerine jaǵdai jasalady. Óńir basshysy bul jobany júzege asyrýǵa partiia filialy da tikelei atsalysatynyn aitqan bolatyn. Turǵyndar bul bastamaǵa rizashylyqtaryn bildirip, sátti júzege asýyna tilektestik tanytty.
«Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaevtyń qoǵamdyq qabyldaýyna Qazyǵurt aýdanynan 8 turǵyn jazylǵan bolatyn. Solardyń biri B.Túkenov jer kezeginde turǵanymen áli kúnge deiin úi qol jetkize almai kele jatqanyn aityp, shaǵymdandy. Qazyǵurt aýdanynda qazir 6671 adam jer kezeginde tur. Aýdanda 2013 jyldan beri jer berý toqtatylǵan. Endi aýdannyń bas jospary jasalyp, 200 gektar jerdi turǵyndarǵa berý máselesi qarastyrylyp jatyr. Osy derekterge toqtalǵan B.Dáýletuly infraqurylym tartylǵan soń jer kezekke sai beriletinin aitty. Jalpy qabyldaý barysynda Qazyǵurt aýdanynda jer máselesi óte ózekti ekeni ańǵaryldy.
Al S.Tashqaraev elektr baǵanalarynyń eskirgeni, elektr qýatynyń sapasy nashar ekenin aityp, másele kóterdi. Turǵynǵa búginde osy túitkilge bailanysty tiisti jobalyq smetalyq qujat ázirlengenin, bul másele sheshimin tabatyny aityldy.
Sonymen birge qoǵamdyq qabyldaýda birneshe turǵyn ataýly áleýmettik kómek alý, kópbalaly otbasylarǵa beriletin járdemaqy boiynsha qujat retteý jónindegi aryzdaryn aitty. Ásirese, G. Jumalievanyń janaiqaiy ózekti. 7 balanyń anasy búginde kópbalaly otbasylarǵa beriletin járdemaqynyń ózin ala almai júr. Kópbalaly ananyń shaǵymy nazarǵa alynyp, partiianyń bastamasymen jýyrda sheshimin tappaq.
Tólebi aýdanyndaǵy qoǵamdyq qabyldaýda turǵyndar baspana, áleýmettik kómek jáne mal urlyǵy boiynsha shaǵymdandy. Olardyń birqataryn naqty sheshý boiynsha usynystar men tapsyrmalar berildi. Qoǵamdyq qabyldaý men áleýmettik jaǵdaiy tómen otbasylarmen kezdesýge Qazyǵurt jáne Tólebi aýdany ákimdikteriniń ókilderi, depýtattar men jergilikti partiia filialynyń birinshi orynbasarlary da qatysyp, «Qamqorlyq» jobasy boiynsha jumys isteýge daiyn ekenderin jetkizdi. Eki aýdan boiynsha qabyldaýǵa kelgen árbir turǵynnyń talaby zań aiasynda oryndalýy partiia filialynyń qadaǵalaýyna alyndy.
«Nur Otan» partiiasy Túrkistan oblystyq filialynyń baspasóz qyzmeti
