جۋىردا تۇركىستان وبلىسىنىڭ اكىمى ءومىرزاق شوكەيەۆ «قامقورلىق» جوباسىن جاريالاعان بولاتىن. بۇل جوبانىڭ ماقساتى – تۇرمىس جاعدايى وتە تومەن وتباسىلاردى تۇگەل انىقتاپ، ولارعا جۇيەلى كومەك كورسەتۋ. جوبا بويىنشا وبلىستىق بيۋدجەت، دەمەۋشىلەر جانە قايىرىمدىلىق قورلارى ارقىلى كەدەي وتباسىنىڭ ءاربىر مۇشەسىنە مەديسينالىق، جۇمىسقا ورنالاسۋ، ازىق-تۇلىك پەن تۇرمىستىق زاتتار اپەرۋ، ءبىلىم الۋ جانە وزگە دە ماسەلەلەر بويىنشا تۇراقتى كومەك كورسەتىلىپ، ولاردىڭ ەڭسە تىكتەۋلەرىنە جاعداي جاسالادى. ءوڭىر باسشىسى بۇل جوبانى جۇزەگە اسىرۋعا پارتيا فيليالى دا تىكەلەي اتسالىساتىنىن ايتقان بولاتىن. تۇرعىندار بۇل باستاماعا ريزاشىلىقتارىن ءبىلدىرىپ، ءساتتى جۇزەگە اسۋىنا تىلەكتەستىك تانىتتى.
«Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەنباي تاجىبايەۆتىڭ قوعامدىق قابىلداۋىنا قازىعۇرت اۋدانىنان 8 تۇرعىن جازىلعان بولاتىن. سولاردىڭ ءبىرى ب.تۇكەنوۆ جەر كەزەگىندە تۇرعانىمەن ءالى كۇنگە دەيىن ءۇي قول جەتكىزە الماي كەلە جاتقانىن ايتىپ، شاعىمداندى. قازىعۇرت اۋدانىندا ءقازىر 6671 ادام جەر كەزەگىندە تۇر. اۋداندا 2013 جىلدان بەرى جەر بەرۋ توقتاتىلعان. ەندى اۋداننىڭ باس جوسپارى جاسالىپ، 200 گەكتار جەردى تۇرعىندارعا بەرۋ ماسەلەسى قاراستىرىلىپ جاتىر. وسى دەرەكتەرگە توقتالعان ب.داۋلەت ۇلى ينفراقۇرىلىم تارتىلعان سوڭ جەر كەزەككە ساي بەرىلەتىنىن ايتتى. جالپى قابىلداۋ بارىسىندا قازىعۇرت اۋدانىندا جەر ماسەلەسى وتە وزەكتى ەكەنى اڭعارىلدى.
ال س.تاشقارايەۆ ەلەكتر باعانالارىنىڭ ەسكىرگەنى، ەلەكتر قۋاتىنىڭ ساپاسى ناشار ەكەنىن ايتىپ، ماسەلە كوتەردى. تۇرعىنعا بۇگىندە وسى تۇيتكىلگە بايلانىستى ءتيىستى جوبالىق سمەتالىق قۇجات ازىرلەنگەنىن، بۇل ماسەلە شەشىمىن تاباتىنى ايتىلدى.
سونىمەن بىرگە قوعامدىق قابىلداۋدا بىرنەشە تۇرعىن اتاۋلى الەۋمەتتىك كومەك الۋ، كوپبالالى وتباسىلارعا بەرىلەتىن جاردەماقى بويىنشا قۇجات رەتتەۋ جونىندەگى ارىزدارىن ايتتى. اسىرەسە، گ. جۇمالييەۆانىڭ جانايقايى وزەكتى. 7 بالانىڭ اناسى بۇگىندە كوپبالالى وتباسىلارعا بەرىلەتىن جاردەماقىنىڭ ءوزىن الا الماي ءجۇر. كوپبالالى انانىڭ شاعىمى نازارعا الىنىپ، پارتيانىڭ باستاماسىمەن جۋىردا شەشىمىن تاپپاق.
تولەبي اۋدانىنداعى قوعامدىق قابىلداۋدا تۇرعىندار باسپانا، الەۋمەتتىك كومەك جانە مال ۇرلىعى بويىنشا شاعىمداندى. ولاردىڭ ءبىرقاتارىن ناقتى شەشۋ بويىنشا ۇسىنىستار مەن تاپسىرمالار بەرىلدى. قوعامدىق قابىلداۋ مەن الەۋمەتتىك جاعدايى تومەن وتباسىلارمەن كەزدەسۋگە قازىعۇرت جانە تولەبي اۋدانى اكىمدىكتەرىنىڭ وكىلدەرى، دەپۋتاتتار مەن جەرگىلىكتى پارتيا فيليالىنىڭ ءبىرىنشى ورىنباسارلارى دا قاتىسىپ، «قامقورلىق» جوباسى بويىنشا جۇمىس ىستەۋگە دايىن ەكەندەرىن جەتكىزدى. ەكى اۋدان بويىنشا قابىلداۋعا كەلگەن ءاربىر تۇرعىننىڭ تالابى زاڭ اياسىندا ورىندالۋى پارتيا فيليالىنىڭ قاداعالاۋىنا الىندى.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
