Túrkistan oblysynda Otan qorǵaýshylar merekesi kúni 182 sábı dúnıege keldi. Sonyń ishinde 88 ul bala bolsa, 94 qyz bala. Búginde náresteler men analardyń jaǵdaıy jaqsy. Sondaı-aq, bir egiz bala dúnıe esigin ashty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Aıta keteıik, mereke kúnderinde kezekshi aýysymda náreste men anaǵa durys kútim jasaıtyn joǵary bilikti dárigerler, tájirıbeli akýsherler men medbıkeler jumystaryn atqardy.

Jalpy, jyl basynan beri bala týý kórsetkishi 6,5 paıyzǵa ósken. Al, sábı ólimi 27,7 paıyzǵa azaıǵan. Osy oraıda, ana men bala saýlyǵyn saqtaý baǵytynda is-sharalar turaqty túrde jalǵasa bermek.

Elimizde bala týý kórsetkishi boıynsha Túrkistan oblysy kósh bastap tur. Jyl basynan beri munda 20 myńnan astam sábı dúnıge keldi.