Túrkistan. Orta bilimdi kadr daiarlaýǵa 6 myńnan astam grant berildi
2019 jyly «Bilim jáne ǵylym» tamyz konferentsiiasynyń Plenarlyq otyrysynda Memleket basshysy Úkimetke kolledjderdiń tehnikalyq jáne kásiptik bilimge (TiPO) kóshý máselelerindegi strategiialyq baǵdarlardy aiqyndai otyryp, damytýdy keshendi qaraýdy tapsyrǵany belgili.
Osyǵan bailanysty, 2020 jyldyń basynan bastap Túrkistan oblysynda 10 jylǵa satyp alý quqyǵynsyz 3 memlekettik kolledjdi senimgerlik basqarýǵa berý týraly sheshim qabyldandy.
Baiqaý nátijesi boiynsha 3 basqarýshy kompaniia anyqtaldy. Jańa basqarýshy kompaniialar stýdentterdi sapaly bilimmen jáne jumysqa ornalastyrýmen qamtamasyz etý boiynsha ózderine mindettemeler aldy. Senimgerlikke bergen kolledjderde nátije baiqalýda.
Búgingi tańda, dýaldi oqytý formaty qoldanylyp, oqytýdyń 40%-y teoriia, 60%-y tájiribe túrinde júrgizilýde. Buǵan qosa, stýdentter shákirt aqydan basqa, naqty óndiriste tájiribeden ótip, jalaqy alýda. Sonymen qatar, Túrkistan indýstrialdy-qurylys kolledjin senimgerlik basqarýǵa bergennen keiin Basqarýshy kompaniia birqatar problemalyq máselelerdi sheshti.
Eń bastysy, stýdentterdiń sabaqqa qatysýy 95%-ǵa deiin artty. Zańsyz tólemder qysqartylyp, oqytýshylarǵa óndiristik tájiribege qatysqany úshin qosymsha tólemder ulǵaityldy. Jumysqa ornalasqan túlekterdiń úlesi 90%-ǵa deiin ósti.
QR Bilim jáne ǵylym ministrligi tarapynan kolledjderdi senimgerlik basqarýǵa berýge kelisim berilgen jaǵdaida, biyl taǵy da 10 memlekettik kolledjdi senimgerlikke berý qarastyrylǵan. Sondai-aq senimgerlik basqarýǵa usynylǵan tehnikalyq jáne kásiptik bilim berý kolledjderi «Jas maman» jobasyna enbek.
