2019 جىلى «ءبىلىم جانە عىلىم» تامىز كونفەرەنسياسىنىڭ پلەنارلىق وتىرىسىندا مەملەكەت باسشىسى ۇكىمەتكە كوللەدجدەردىڭ تەحنيكالىق جانە كاسىپتىك بىلىمگە (تيپو) كوشۋ ماسەلەلەرىندەگى ستراتەگيالىق باعدارلاردى ايقىنداي وتىرىپ، دامىتۋدى كەشەندى قاراۋدى تاپسىرعانى بەلگىلى.
وسىعان بايلانىستى، 2020 جىلدىڭ باسىنان باستاپ تۇركىستان وبلىسىندا 10 جىلعا ساتىپ الۋ قۇقىعىنسىز 3 مەملەكەتتىك كوللەدجدى سەنىمگەرلىك باسقارۋعا بەرۋ تۋرالى شەشىم قابىلداندى.
بايقاۋ ناتيجەسى بويىنشا 3 باسقارۋشى كومپانيا انىقتالدى. جاڭا باسقارۋشى كومپانيالار ستۋدەنتتەردى ساپالى بىلىممەن جانە جۇمىسقا ورنالاستىرۋمەن قامتاماسىز ەتۋ بويىنشا وزدەرىنە مىندەتتەمەلەر الدى. سەنىمگەرلىككە بەرگەن كوللەدجدەردە ناتيجە بايقالۋدا.
بۇگىنگى تاڭدا، ءدۋالدى وقىتۋ فورماتى قولدانىلىپ، وقىتۋدىڭ 40%-ى تەوريا، 60%-ى تاجىريبە تۇرىندە جۇرگىزىلۋدە. بۇعان قوسا، ستۋدەنتتەر شاكىرت اقىدان باسقا، ناقتى وندىرىستە تاجىريبەدەن ءوتىپ، جالاقى الۋدا. سونىمەن قاتار، تۇركىستان يندۋستريالدى-قۇرىلىس كوللەدجىن سەنىمگەرلىك باسقارۋعا بەرگەننەن كەيىن باسقارۋشى كومپانيا ءبىرقاتار پروبلەمالىق ماسەلەلەردى شەشتى.
ەڭ باستىسى، ستۋدەنتتەردىڭ ساباققا قاتىسۋى 95%-عا دەيىن ارتتى. زاڭسىز تولەمدەر قىسقارتىلىپ، وقىتۋشىلارعا وندىرىستىك تاجىريبەگە قاتىسقانى ءۇشىن قوسىمشا تولەمدەر ۇلعايتىلدى. جۇمىسقا ورنالاسقان تۇلەكتەردىڭ ۇلەسى 90%-عا دەيىن ءوستى.
ق ر ءبىلىم جانە عىلىم مينيسترلىگى تاراپىنان كوللەدجدەردى سەنىمگەرلىك باسقارۋعا بەرۋگە كەلىسىم بەرىلگەن جاعدايدا، بيىل تاعى دا 10 مەملەكەتتىك كوللەدجدى سەنىمگەرلىككە بەرۋ قاراستىرىلعان. سونداي-اق سەنىمگەرلىك باسقارۋعا ۇسىنىلعان تەحنيكالىق جانە كاسىپتىك ءبىلىم بەرۋ كوللەدجدەرى «جاس مامان» جوباسىنا ەنبەك.
