Túrkistan óńiriniń mektepteri «Bilimland» tsifrlyq bilim berý resýrsymen qamtamasyz etilgen
Atalǵan júiede mektepke qabyldaý konkýrsyn ótkizý tolyq avtomattandyrylǵan. Bul týraly oblystyq bilim basqarmasy basshysynyń orynbasary Ardaq Sadyqova málim etti.
Aita keterligi, ata-ana óziniń balasyn portal arqyly kez-kelgen daryndy balalarǵa arnalǵan mektepke konkýrsqa qatystyra alady jáne portaldaǵy onlain testileýden joǵary ball alǵan bala mektepke qabyldanady.
Sonymen qatar, oblystaǵy mektepter «Bilimland» tsifrlyq bilim berý resýrstarymen 100 paiyz qamtamasyz etilgen. Aǵymdaǵy jyldap bastap kúni búginge deiin 594 000 sabaq qaralymy boldy. Oblystyq biýdjetten tsifrlyq bilim berý resýrstarymen qamtamasyz etý maqsatynda 1500 dana «Bilim Book» kompiýter-planshet shalǵai aýyldaǵy 195 mektepke taratylyp, tsifrlyq bilim berý resýrstaryna internetsiz qol jetkizýde.
Sondai-aq, aldaǵy jyly Túrkistan oblysynyń bilim salasynda pedagogtardyń attestatsiiasyn jáne olardyń bilim jetildirý kýrstarynan ótýin avtomattandyrý, bilim uiymdaryndaǵy kitap qoryn paidalanýdy jáne oqýshylardyń ystyq tamaqpen qamtylýyn avtomattandyrý júieleri júzege asady dep josparlanýda.
Atalǵan joba bilim salasyndaǵy sybailastyq zańbuzýshylyqty toqtatatýǵa úlken serpin beredi.
