Astanada Múgedektigi bar adamdar kúnine orai turǵyndarǵa bir rettik áleýmettik kómek kórsetiledi. Bul týraly elorda ákimdigi habarlady, dep habarlaidy dalanews.kz.
Tólem mólsheri múgedektik tobyna bailanysty belgilengen:
- I toptaǵy azamattarǵa – 86 500 teńge;
- II toptaǵy azamattar men 18 jasqa deiingi múgedektigi bar balalarǵa – 43 250 teńge;
- III toptaǵy azamattarǵa – 21 625 teńge.
Áleýmettik kómekti alý úshin ótinish berýdiń qajeti joq. Tólem tiisti azamattarǵa avtomatty túrde taǵaiyndalady.
Alaida bir shart bar: eger azamat osy jyly basqa negiz boiynsha bir rettik áleýmettik kómek alyp qoiǵan bolsa, oǵan bul tólem ekinshi ret berilmeidi.
