Qoǵam belsendisi Sanjar Bokaev pen onyń jieni Madiiar Qalmenovke qatysty jańa qylmystyq is tergelip jatqany týraly olardyń advokattary málimdedi. Sonymen qatar qorǵaýshylar Qalmenovtiń tergeý izoliatoryndaǵy jaǵdaiyna shaǵymdanǵan, dep habarlaidy dalanews.kz.
Advokat Aiman Omarovanyń aitýynsha, jańa is Qarjy monitoringi agenttiginde Qylmystyq kodekstiń 189-babynyń 3-bóligi boiynsha tergelip jatyr. Bul bap senip tapsyrylǵan bóten múlikti iemdený nemese ysyrap etýge qatysty. Alaida qorǵaýshy istiń naqty qai epizodqa bailanysty qozǵalǵanyn, qandai múlik pen somanyń sóz bolyp otyrǵanyn aitpady.
Omarova sondai-aq Madiiar Qalmenovtiń Astanadaǵy №64 mekemede birneshe kún kartserde otyrǵanyn málimdedi. Advokattyń sózinshe, kameradan bir rettik ustara júziniń bólikteri tabylǵannan keiin jaýapkershilik sol kúni kamera kezekshisi bolǵan Qalmenovke júktelgen. Qorǵaýshy onyń shyntaq tusynda kógergen izdi de baiqaǵanyn aityp, kartserge ornalastyrýǵa negiz bolǵan qujattardy suratqan jáne Astana prokýratýrasyna shaǵym túsirgen.
Sanjar Bokaevtyń advokaty Alma Mýsina da qorǵaýyndaǵy azamattarǵa qysym jasalýy múmkin ekenin málimdedi. Onyń aitýynsha, Bokaev pen basqa da aiyptalýshylar Astanaǵa jetkizilgennen keiin sýyq kameralarǵa ornalastyrylǵan. Mýsina Bokaevtyń densaýlyǵyna alańdaýshylyq bildirgenimen, onyń ózi advokatqa uryp-soǵý týraly aitpaǵanyn atap ótti.
Qorǵaýshylar tergeý izoliatoryndaǵy jaǵdaiǵa jáne advokattarmen kezdesýge bailanysty qiyndyqtarǵa qatysty shaǵymdaryn jetkizgen. Alaida jariialanym shyqqan sátte Qarjy monitoringi agenttigi, Qylmystyq-atqarý júiesi komiteti men prokýratýra advokattardyń málimdemelerine resmi túsinikteme bermegen.
Ýlan Núsipqojaǵa qatysty naqtylaý: Exclusive.kz keiin onyń qorǵaýshysynyń túsiniktemesin jariialap, Núsipqojaǵa qatysty Qylmystyq kodekstiń 189-baby boiynsha da, basqa baptar boiynsha da jańa is tergelmeitinin habarlaǵan. Qorǵaýshy onyń qarjy-sharýashylyq máselelerine qatysy joq videooperator ekenin aitqan.
Eske salaiyq, Sanjar Bokaev 18 naýryzdan beri qamaýda otyr. Buǵan deiin Bas prokýratýra oǵan alaiaqtyq jáne aǵashtardy zańsyz kesýge qatysty aiyptar taǵylǵanyn habarlaǵan. Bokaevtyń advokattary tergeý barysyna bailanysty birqatar shaǵym bildirgen. Al buryn aiaqtalǵan is boiynsha sot otyrysy 16 qazanǵa aýystyrylǵan.
