قوعام بەلسەندٸسٸ سانجار بوكاەۆ پەن ونىڭ جيەنٸ مادييار قالمەنوۆكە قاتىستى جاڭا قىلمىستىق ٸس تەرگەلٸپ جاتقانى تۋرالى ولاردىڭ ادۆوكاتتارى مەلٸمدەدٸ. سونىمەن قاتار قورعاۋشىلار قالمەنوۆتٸڭ تەرگەۋ يزولياتورىنداعى جاعدايىنا شاعىمدانعان, دەپ حابارلايدى dalanews.kz.
ادۆوكات ايمان وماروۆانىڭ ايتۋىنشا, جاڭا ٸس قارجى مونيتورينگٸ اگەنتتٸگٸندە قىلمىستىق كودەكستٸڭ 189-بابىنىڭ 3-بٶلٸگٸ بويىنشا تەرگەلٸپ جاتىر. بۇل باپ سەنٸپ تاپسىرىلعان بٶتەن مٷلٸكتٸ يەمدەنۋ نەمەسە ىسىراپ ەتۋگە قاتىستى. الايدا قورعاۋشى ٸستٸڭ ناقتى قاي ەپيزودقا بايلانىستى قوزعالعانىن, قانداي مٷلٸك پەن سومانىڭ سٶز بولىپ وتىرعانىن ايتپادى.
وماروۆا سونداي-اق مادييار قالمەنوۆتٸڭ استاناداعى №64 مەكەمەدە بٸرنەشە كٷن كارتسەردە وتىرعانىن مەلٸمدەدٸ. ادۆوكاتتىڭ سٶزٸنشە, كامەرادان بٸر رەتتٸك ۇستارا جٷزٸنٸڭ بٶلٸكتەرٸ تابىلعاننان كەيٸن جاۋاپكەرشٸلٸك سول كٷنٸ كامەرا كەزەكشٸسٸ بولعان قالمەنوۆكە جٷكتەلگەن. قورعاۋشى ونىڭ شىنتاق تۇسىندا كٶگەرگەن ٸزدٸ دە بايقاعانىن ايتىپ, كارتسەرگە ورنالاستىرۋعا نەگٸز بولعان قۇجاتتاردى سۇراتقان جەنە استانا پروكۋراتۋراسىنا شاعىم تٷسٸرگەن.
سانجار بوكاەۆتىڭ ادۆوكاتى الما مۋسينا دا قورعاۋىنداعى ازاماتتارعا قىسىم جاسالۋى مٷمكٸن ەكەنٸن مەلٸمدەدٸ. ونىڭ ايتۋىنشا, بوكاەۆ پەن باسقا دا ايىپتالۋشىلار استاناعا جەتكٸزٸلگەننەن كەيٸن سۋىق كامەرالارعا ورنالاستىرىلعان. مۋسينا بوكاەۆتىڭ دەنساۋلىعىنا الاڭداۋشىلىق بٸلدٸرگەنٸمەن, ونىڭ ٶزٸ ادۆوكاتقا ۇرىپ-سوعۋ تۋرالى ايتپاعانىن اتاپ ٶتتٸ.
قورعاۋشىلار تەرگەۋ يزولياتورىنداعى جاعدايعا جەنە ادۆوكاتتارمەن كەزدەسۋگە بايلانىستى قيىندىقتارعا قاتىستى شاعىمدارىن جەتكٸزگەن. الايدا جارييالانىم شىققان سەتتە قارجى مونيتورينگٸ اگەنتتٸگٸ, قىلمىستىق-اتقارۋ جٷيەسٸ كوميتەتٸ مەن پروكۋراتۋرا ادۆوكاتتاردىڭ مەلٸمدەمەلەرٸنە رەسمي تٷسٸنٸكتەمە بەرمەگەن.
ۋلان نٷسٸپقوجاعا قاتىستى ناقتىلاۋ: Exclusive.kz كەيٸن ونىڭ قورعاۋشىسىنىڭ تٷسٸنٸكتەمەسٸن جارييالاپ, نٷسٸپقوجاعا قاتىستى قىلمىستىق كودەكستٸڭ 189-بابى بويىنشا دا, باسقا باپتار بويىنشا دا جاڭا ٸس تەرگەلمەيتٸنٸن حابارلاعان. قورعاۋشى ونىڭ قارجى-شارۋاشىلىق مەسەلەلەرٸنە قاتىسى جوق ۆيدەووپەراتور ەكەنٸن ايتقان.
ەسكە سالايىق, سانجار بوكاەۆ 18 ناۋرىزدان بەرٸ قاماۋدا وتىر. بۇعان دەيٸن باس پروكۋراتۋرا وعان الاياقتىق جەنە اعاشتاردى زاڭسىز كەسۋگە قاتىستى ايىپتار تاعىلعانىن حابارلاعان. بوكاەۆتىڭ ادۆوكاتتارى تەرگەۋ بارىسىنا بايلانىستى بٸرقاتار شاعىم بٸلدٸرگەن. ال بۇرىن اياقتالعان ٸس بويىنشا سوت وتىرىسى 16 قازانعا اۋىستىرىلعان.
