Túrkistan qalasyna «Latyn negizdi álipbi men emle erejesi týraly nasihat» jobasy boiynsha ǵalymdardan quralǵan nasihattyq top keldi.
Belgili memleket jáne qoǵam qairatkeri Orazkúl Asanǵazyqyzy, Nazarbaev Ýniversitetiniń professory Jazira Aǵabekqyzy bastaǵan top áýeli Túrkistan oblysy ákimi Janseiit Túimebaevpen kezdesti.
Basqosýda QR Mádeniet jáne sport ministrligi Til saiasaty komiteti jáne Sh.Shaiahmetov atyndaǵy «Til Qazyna» ulttyq ǵylymi-praktikalyq ortalyǵynyń uiymdastyrýymen oblysta ótetin seminarlar barysy baiandaldy.
Keiin nasihattyq top Túrkistan oblysynyń óńirlik kommýnikatsiialar qyzmetinde ótken brifingte latyn álipbiiniń mán-mańyzy men emle-erejesine keńirek toqtaldy.
«Qazirgi tańda emle.kz saity jumys isteidi. Onda barlyq azamattar latyn álipbiimen tanysyp, usynys-tilekterin joldai alady. Latyn álipbii bizdiń tarihymyzda bolǵan. Sondyqtan qaita oralý qiynǵa soqpaidy.
[perfectpullquote align="full" bordertop="false" cite="" link="" color="" class="" size=""]
[/perfectpullquote]
Jańa jasaqtalǵan latyn álipbii arqyly biz syrttan sóz alǵanda ózimizdiń tól dybystarymyzǵa rettep alatyn bolamyz.
[/perfectpullquote]
Bul Baitursynov syndy qairatkerlerimizdiń bastamasy», - dedi Orazkúl Asanǵazyqyzy.
Baspasóz máslihatynda ǵalym Jazira Aǵabekova jańa álipbi 2019 jyldan bastalyp kezeń-kezeńimen satylap engiziletinin aitty.
«Qazirgi kirillitsamen aitylyp júrgen sózder aldaǵy ýaqytta tól dybystarymyzben oqylatyn bolady. Biz osylai ulttyq artikýliatsiiamyzdy saqtaýymyz qajet. Aldaǵy ýaqytta oqý ortalyqtary men til basqarmalary janynan oqytý jáne biliktilikti arttyrý kýrstary ashylyp, mektep, joǵary oqý oryndary men memlekettik qyzmet salasynda 2025 jylǵa deiin satylap engiziletin bolady. Sondai-aq, aldaǵy ýaqytta jańa emle boiynsha orfografiialyq, orfoepiialyq sózdikter jasalady», - dedi Jazira Aǵabekqyzy.
Aita keterligi, aǵymdaǵy jyldyń 14 qarasha kúni Qazaqstan boiynsha latyn álipbiinde onlain rejiiminde diktant jazylyp, búkilhalyqtyq qoldaý kórsetilmek.
