Túrkistan oblysynda 200 mlrd teńge kólemindegi kóleńkeli qarjy ainalymynyń jáne kontrabandalyq arnalardyń joly kesildi, dep habarlaidy dalanews.kz.
Jedel is-sharalar nátijesinde Qyrǵyz Respýblikasynan kontrabandalyq jolmen temeki ónimderin tasymaldap, olardy Túrkistan oblysy men elimizdiń batys óńirlerinde ótkizýmen ainalysqan tulǵalardyń zańsyz áreketteri toqtatyldy.
Jedel is-sharalar barysynda jalpy quny 103 mln teńgeni quraityn temeki ónimderi tárkilendi. Atalǵan fakti boiynsha QR Qylmystyq kodeksiniń 214-baby boiynsha sotqa deiingi tergep-tekserý júrgizilip jatyr.
Sonymen qatar, shekara mańynda júk kólikteriniń júrgizýshilerinen aqsha bopsalaýmen ainalysqan qylmystyq toptyń qyzmeti áshkerelendi. Tergeý barysynda zańsyz deldaldyq qyzmetten alynǵan qarajattyń bir bóligi memlekettik organ laýazymdy tulǵalaryna para retinde berilgeni anyqtaldy.
Qazirgi ýaqytta QR Qylmystyq kodeksiniń 366 jáne 367-baptary boiynsha sotqa deiingi tergep-tekserý júrgizilýde. Qylmystyq shemaǵa qatysy bar 23 tulǵa anyqtalyp, olardyń 5-eýi kúzetpen ustalýda.
Budan bólek, prokýratýranyń úilestirýimen júrgizilgen jedel jáne arnaiy is-sharalar nátijesinde jalǵan kásipkerlik sýbektileri arqyly shamamen 200 mlrd teńge kólemindegi qarjy quraldaryn alys jáne jaqyn shetelderge zańsyz shyǵarý faktisi anyqtaldy.
Bul fakti boiynsha QR Qylmystyq kodeksiniń 235-1-babynyń 3-bóligimen sotqa deiingi tergep-tekserý bastaldy. Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
