Túrkistan oblsynyń Máslihat sessiiasynda 23 másele qaraldy
Sessiia jumysyna oblys ákimi Ómirzaq Shókeev, ákimdik músheleri jáne oblystyq sailaý komissiiasynyń tóraǵasy men memlekettik organdardyń basshylary, sondai-aq buqaralyq aqparat quraldarynyń ókilderi qatysty.
Kún tártibinde Túrkistan oblysy qurylys basqarmasy basshysynyń ótken jylǵy atqarylǵan jumystar jónindegi esebi tyńdalyp, arnaiy komissiia qurylys salasynda atqarylǵan jumystarǵa oń qorytyndysyn berdi. «Oblys ákimdiginiń jáne oblystyq tekserý komissiiasynyń 2020 jylǵa arnalǵan oblystyq biýdjettiń atqarylýy jónindegi esepteri» baiandaldy. Másele oblystyq máslihattyń barlyq turaqty komissiialarynyń otyrystarynda qaralyp, qoldaý tapqan.
Ómirzaq Shókeev oblysta ótken jyly atqarylǵan jumystar jóninde esep berdi. Jaqynda bekitilgen Túrkistan Túrkistan oblysynyń 2021-2025 jyldarǵa arnalǵan jańa keshendi josparymen bólisip, Túrkistan qalasyn damytý kezeńine toqtaldy. Jobaǵa 145 is-shara engizilgen.
– Oblys ortalyǵy qazaq halqy men búkil túrki dúniesi úshin tarihi mańyzy bar Túrkistan qalasyna kóshirildi. 2018 jyl barshamyzǵa tarihi sheshim qabyldaǵan jyl dep bilemiz. Bul tarihi oqiǵa óńirimizge jańa serpin jáne jan-jaqty damýynyń jańa múmkindikterine jol ashty. Barshamyz jaqsy bilemiz, kieli qalamyz Ortalyq Aziianyń eń kóne qalalarynyń biri bolýymen qatar, Táýelsiz elimizdiń rýhani astanasy, túrki álemin bilegen tarihi tulǵalar men tarlandardyń mekeni. Sondyqtan mine búgin sol tarihi sátke 3 jyl tolyp otyr, – dedi oblys ákimi Ó.Shókeev.
Jiynda birqatar basqarma basshylarynyń esebi tyńdalyp, Túrkistan oblysynyń biýdjeti talqyǵa tústi. Atalǵan máselelerdi qaraý nátijesi boiynsha oblystyq máslihat depýtattary tiisti sheshimder qabyldady.
