سەسسيا جۇمىسىنا وبلىس اكىمى ءومىرزاق شوكەيەۆ، اكىمدىك مۇشەلەرى جانە وبلىستىق سايلاۋ كوميسسياسىنىڭ ءتوراعاسى مەن مەملەكەتتىك ورگانداردىڭ باسشىلارى، سونداي-اق بۇقارالىق اقپارات قۇرالدارىنىڭ وكىلدەرى قاتىستى.
كۇن تارتىبىندە تۇركىستان وبلىسى قۇرىلىس باسقارماسى باسشىسىنىڭ وتكەن جىلعى اتقارىلعان جۇمىستار جونىندەگى ەسەبى تىڭدالىپ، ارنايى كوميسسيا قۇرىلىس سالاسىندا اتقارىلعان جۇمىستارعا وڭ قورىتىندىسىن بەردى. «وبلىس اكىمدىگىنىڭ جانە وبلىستىق تەكسەرۋ كوميسسياسىنىڭ 2020 جىلعا ارنالعان وبلىستىق بيۋدجەتتىڭ اتقارىلۋى جونىندەگى ەسەپتەرى» باياندالدى. ماسەلە وبلىستىق ءماسليحاتتىڭ بارلىق تۇراقتى كوميسسيالارىنىڭ وتىرىستارىندا قارالىپ، قولداۋ تاپقان.
ءومىرزاق شوكەيەۆ وبلىستا وتكەن جىلى اتقارىلعان جۇمىستار جونىندە ەسەپ بەردى. جاقىندا بەكىتىلگەن تۇركىستان تۇركىستان وبلىسىنىڭ 2021-2025 جىلدارعا ارنالعان جاڭا كەشەندى جوسپارىمەن ءبولىسىپ، تۇركىستان قالاسىن دامىتۋ كەزەڭىنە توقتالدى. جوباعا 145 ءىس-شارا ەنگىزىلگەن.
– وبلىس ورتالىعى قازاق حالقى مەن بۇكىل تۇركى دۇنيەسى ءۇشىن تاريحي ماڭىزى بار تۇركىستان قالاسىنا كوشىرىلدى. 2018 جىل بارشامىزعا تاريحي شەشىم قابىلداعان جىل دەپ بىلەمىز. بۇل تاريحي وقيعا وڭىرىمىزگە جاڭا سەرپىن جانە جان-جاقتى دامۋىنىڭ جاڭا مۇمكىندىكتەرىنە جول اشتى. بارشامىز جاقسى بىلەمىز، كيەلى قالامىز ورتالىق ازيانىڭ ەڭ كونە قالالارىنىڭ ءبىرى بولۋىمەن قاتار، تاۋەلسىز ەلىمىزدىڭ رۋحاني استاناسى، تۇركى الەمىن بيلەگەن تاريحي تۇلعالار مەن تارلانداردىڭ مەكەنى. سوندىقتان مىنە بۇگىن سول تاريحي ساتكە 3 جىل تولىپ وتىر، – دەدى وبلىس اكىمى ءو.شوكەيەۆ.
جيىندا ءبىرقاتار باسقارما باسشىلارىنىڭ ەسەبى تىڭدالىپ، تۇركىستان وبلىسىنىڭ بيۋدجەتى تالقىعا ءتۇستى. اتالعان ماسەلەلەردى قاراۋ ناتيجەسى بويىنشا وبلىستىق ءماسليحات دەپۋتاتتارى ءتيىستى شەشىمدەر قابىلدادى.
