Kezdesýge QR Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasy Ǵalym Shoikin, QR Parlamenti Senatynyń depýtaty Alisher Satvaldiev, Túrkistan oblysy ákiminiń orynbasary Beisen Tájibaev qatysyp, sóz sóiledi. Sonymen qatar, sessiiada Arys qalalyq politsiia bóliminiń ýchaskelik politsiia inspektory Krokýs Mihail men «Assambleia jastary» respýblikalyq qoǵamdyq birlestigi Túrkistan oblystyq ókildiginiń jetekshisi Indira Ravan-Nahchivani baiandama jasady.
«Ózderińizge málim Qazaqstan halqy Assambleiasynyń HHHII sessiiasynda elimizdiń Prezidenti Qasym-Jomart Toqaev alda atqarylatyn jumystarda bes negizgi basymdyqqa mán berýdi usynǵan bolatyn. Bul basymdyqtardy iske asyrý úshin oblystyq Assambleia, jergilikti atqarýshy jáne quqyq qorǵaý organdary, joǵary oqý oryndary, ziialy qaýym men úkimettik emes uiymdary birlese, naqty nátijege baǵyttalǵan jumystardy iske asyrýy tiis.
Osylaisha óńirimizde jyldar boiy qalyptasqan etnosaralyq birlik pen tatýlyq úlgisin saqtaý basty maqsatymyz bolýy qajet dep bilemin. Qazirgi tańda oblysymyzda Assambleia janyndaǵy 11 etnomádeni birlestik, Aqsaqaldar, Analar, Mediatsiia keńesteri eleýli máselelerdi talqylaýdyń, syndarly sheshimder qabyldaýdyń ámbebap dialog alańyna ainalǵan»,- dedi Beisen Dáýletuly.
«Qoǵamda etnos ókilderiniń etnikalyq shyǵý tegine, dini ustanymy men áleýmettik mártebesine orai olardy eshkim kemsitpeýi tiis. Osy turǵyda árbir azamat ózi jasaǵan áreketine zańmen jaýap berip, onyń quqyqtyq saldary qandai bolatynyn naqty túsinýi kerek. Osy turǵyda halyq arasynda aqparattyq túsindirý jumystaryn tiimdi júrgizý, memlekettik organdardyń jumysyna innovatsiialyq ádisterdi engizý, Assambleianyń qoǵamdyq qurylymdary jáne etnomádeni birlestikteriniń ásirese jergilikti jerlerde áleýetin durys paidalaný mańyzdy.
Sonymen qatar, etnos ókilderiniń qazaq halqynyń mańyna toptasyp, qazaq ultynyń quramdas bóligine ainalýy barlyǵymyzdyń ortaq maqsatymyz bolýy shart.
Budan bólek, qoǵamdyq kelisimdi nyǵaitý jáne ulttyq birlikti qalyptastyrýdaǵy BAQ ókilderiniń rólin kúsheitý mańyzdy. Sondai-aq, jańa kommýnikatsiia men mass-medianyń ulttyq biregeilikti qalyptastyrýdaǵy róli erekshe ekendigi málim. Aqparattyq keńistikti utymdy paidalaný arqyly memlekettik tildi qoldaný aiasyn keńeitip, etnostar arasyndaǵy qazaq tiline degen qyzýǵylyshyqty arttyrýǵa qol jetkizýge bolady dep esepteimiz»,- dedi Ǵalym Nurmaǵanbetuly.
Al, etnos ókilderiniń arasynda qazaq tilin meńgergenderdiń sany 74 paiyzǵa jetti. Oblysta qazirgi tańda 17 tilderdi oqytý ortalyǵy jumys júrgizýde jáne atalǵan ortalyqtarda 1600-ge jýyq oblys turǵyny memlekettik tildi úirenýde.
