كەزدەسۋگە ق ر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ ءتوراعاسى عالىم شويكين، ق ر پارلامەنتى سەناتىنىڭ دەپۋتاتى اليشەر ساتۆالدييەۆ، تۇركىستان وبلىسى اكىمىنىڭ ورىنباسارى بەيسەن تاجىبايەۆ قاتىسىپ، ءسوز سويلەدى. سونىمەن قاتار، سەسسيادا ارىس قالالىق پوليسيا ءبولىمىنىڭ ۋچاسكەلىك پوليسيا ينسپەكتورى كروكۋس ميحايل مەن «اسسامبلەيا جاستارى» رەسپۋبليكالىق قوعامدىق بىرلەستىگى تۇركىستان وبلىستىق وكىلدىگىنىڭ جەتەكشىسى ينديرا راۆان-ناحچيۆاني بايانداما جاسادى.
«وزدەرىڭىزگە ءمالىم قازاقستان حالقى اسسامبلەياسىنىڭ حححII سەسسياسىندا ەلىمىزدىڭ پرەزيدەنتى قاسىم-جومارت توقايەۆ الدا اتقارىلاتىن جۇمىستاردا بەس نەگىزگى باسىمدىققا ءمان بەرۋدى ۇسىنعان بولاتىن. بۇل باسىمدىقتاردى ىسكە اسىرۋ ءۇشىن وبلىستىق اسسامبلەيا، جەرگىلىكتى اتقارۋشى جانە قۇقىق قورعاۋ ورگاندارى، جوعارى وقۋ ورىندارى، زيالى قاۋىم مەن ۇكىمەتتىك ەمەس ۇيىمدارى بىرلەسە، ناقتى ناتيجەگە باعىتتالعان جۇمىستاردى ىسكە اسىرۋى ءتيىس.
وسىلايشا وڭىرىمىزدە جىلدار بويى قالىپتاسقان ەتنوسارالىق بىرلىك پەن تاتۋلىق ۇلگىسىن ساقتاۋ باستى ماقساتىمىز بولۋى قاجەت دەپ بىلەمىن. قازىرگى تاڭدا وبلىسىمىزدا اسسامبلەيا جانىنداعى 11 ەتنومادەني بىرلەستىك، اقساقالدار، انالار، مەدياسيا كەڭەستەرى ەلەۋلى ماسەلەلەردى تالقىلاۋدىڭ، سىندارلى شەشىمدەر قابىلداۋدىڭ امبەباپ ديالوگ الاڭىنا اينالعان»،- دەدى بەيسەن داۋلەت ۇلى.
وسى ورايدا، وبلىستىق اسسامبلەيانىڭ قاتىسۋىمەن ەتنوسارالىق تاتۋلىق، قوعامدىق كەلىسىم مەن جالپىۇلتتىق بىرلىكتى ناسيحاتتاۋ ماقساتىندا ءتۇرلى 150-دەن استام ءىس-شارا وتكىزىلىپ، 15 مىڭنان استام وبلىس تۇرعىندارى قاتىسقان. سونىمەن قاتار، بۇگىندە «سەرپىن»، «العاشقى جۇمىس ورنى»، «جاستار پراكتيكاسى»، «جاس كاسىپكەر»، «بيزنەس باستاۋ»، «ديپلوممەن اۋىلعا» باعدارلامالارى، جاڭا بيزنەس-يدەيالار ءۇشىن گرانتتار بەرۋ، جەڭىلدەتىلگەن شاعىن نەسيە ۇلەستىرۋ، كوللەدجدەرگە بولىنگەن گرانتتارعا ەتنوس وكىلدەرىن تارتۋ بويىنشا جۇمىستار جۇرگىزىلۋدە.
«قوعامدا ەتنوس وكىلدەرىنىڭ ەتنيكالىق شىعۋ تەگىنە، ءدىني ۇستانىمى مەن الەۋمەتتىك مارتەبەسىنە وراي ولاردى ەشكىم كەمسىتپەۋى ءتيىس. وسى تۇرعىدا ءاربىر ازامات ءوزى جاساعان ارەكەتىنە زاڭمەن جاۋاپ بەرىپ، ونىڭ قۇقىقتىق سالدارى قانداي بولاتىنىن ناقتى ءتۇسىنۋى كەرەك. وسى تۇرعىدا حالىق اراسىندا اقپاراتتىق ءتۇسىندىرۋ جۇمىستارىن ءتيىمدى جۇرگىزۋ، مەملەكەتتىك ورگانداردىڭ جۇمىسىنا يننوۆاسيالىق ادىستەردى ەنگىزۋ، اسسامبلەيانىڭ قوعامدىق قۇرىلىمدارى جانە ەتنومادەني بىرلەستىكتەرىنىڭ اسىرەسە جەرگىلىكتى جەرلەردە الەۋەتىن دۇرىس پايدالانۋ ماڭىزدى.
سونىمەن قاتار، ەتنوس وكىلدەرىنىڭ قازاق حالقىنىڭ ماڭىنا توپتاسىپ، قازاق ۇلتىنىڭ قۇرامداس بولىگىنە اينالۋى بارلىعىمىزدىڭ ورتاق ماقساتىمىز بولۋى شارت.
بۇدان بولەك، قوعامدىق كەلىسىمدى نىعايتۋ جانە ۇلتتىق بىرلىكتى قالىپتاستىرۋداعى ب ا ق وكىلدەرىنىڭ ءرولىن كۇشەيتۋ ماڭىزدى. سونداي-اق، جاڭا كوممۋنيكاسيا مەن ماسس-مەديانىڭ ۇلتتىق بىرەگەيلىكتى قالىپتاستىرۋداعى ءرولى ەرەكشە ەكەندىگى ءمالىم. اقپاراتتىق كەڭىستىكتى ۇتىمدى پايدالانۋ ارقىلى مەملەكەتتىك ءتىلدى قولدانۋ اياسىن كەڭەيتىپ، ەتنوستار اراسىنداعى قازاق تىلىنە دەگەن قىزۋعىلىشىقتى ارتتىرۋعا قول جەتكىزۋگە بولادى دەپ ەسەپتەيمىز»،- دەدى عالىم نۇرماعانبەت ۇلى.
بۇگىنگى تاڭدا وڭىرىمىزدە مەملەكەتتىك ورگاندار مەن ۇيىمداردا قۇجات اينالىمى 100 پايىز مەملەكەتتىك تىلدە جۇرگىزىلۋدە. وبلىسىمىزدا مەملەكەتتىك ءتىلدى مەڭگەرگەن حالىقتىڭ ۇلەسى 95 پايىزدى قۇرايدى.
ال، ەتنوس وكىلدەرىنىڭ اراسىندا قازاق ءتىلىن مەڭگەرگەندەردىڭ سانى 74 پايىزعا جەتتى. وبلىستا قازىرگى تاڭدا 17 تىلدەردى وقىتۋ ورتالىعى جۇمىس جۇرگىزۋدە جانە اتالعان ورتالىقتاردا 1600-گە جۋىق وبلىس تۇرعىنى مەملەكەتتىك ءتىلدى ۇيرەنۋدە.
