Atyraý oblysy Jangeldin aýylynda bir otbasynyń qaza tabýyna bailanysty qozǵalǵan qylmystyq is boiynsha sotqa deiingi tergeý aiaqtaldy, dep habarlaidy dalanews.kz.
Atyraý oblysy prokýratýrasynyń málimetinshe, is boiynsha negizgi kúdikti Sultan Sársemáliev óz kinásin moiyndaǵan. Qazirgi ýaqytta ol tergeý izoliatorynda sot protsesin kútip otyr.
"Aq Jaiyq" basylymynyń habarlaýynsha, kúdiktige Qazaqstan Respýblikasy Qylmystyq kodeksiniń "Eki nemese odan da kóp adamdy óltirý" baby boiynsha aiyp taǵylǵan.
Sonymen qatar tergeý barysynda qaza tapqan otbasynyń malyn satý jáne olardyń bank kartalaryndaǵy qarajatty iemdený faktileri de qarastyrylyp jatyr.
Prokýratýra barlyq tergeý áreketteri tolyq aiaqtalǵanyn, endi is materialdarynyń jaqyn kúnderi sotqa joldanatynyn málimdedi. Aldyn ala málimet boiynsha, sot otyrysy osy aida bastalýy múmkin.
Sonymen birge vedomstvo keibir buqaralyq aqparat quraldarynda jariialanǵan "kúdiktige ómir boiyna bas bostandyǵynan aiyrý qaýpi tónip tur" degen aqparattyń prokýratýra tarapynan taratylmaǵanyn naqtylady.
