2025 jylǵy 25 maýsym kúni segizinshi shaqyrylymdaǵy Túrkistan oblystyq máslihatynyń kezekti on jetinshi sessiiasy ótti. Sessiia jumysynyń aldynda máslihat tóraǵasy oblystaǵy jańa kadrlyq taǵaiyndaýlardy tanystyryp ótti,- dep habarlaidy Dalanews.kz
Segizinshi shaqyrylymdaǵy oblystyq máslihattyń kezekti on jetinshi sessiiasynyń jumysyna oblys ákimi N.Kósherov, oblys ákimdiginiń músheleri, qalalyq, aýdandyq máslihat tóraǵalary, oblystyń memlekettik organdarynyń basshylary, oblystyq qoǵamdyq uiymdar ókilderi, sondai-aq buqaralyq aqparat quraldarynyń ókilderi qatysty.
Sessiia jumysyn oblystyq máslihat tóraǵasy N.Ábishov júrgizdi.
Kún tártibinde 21 mańyzdy másele qaraldy.
Sessiiada oblys ákimdiginiń jáne oblystyq tekserý komissiiasynyń, Túrkistan oblysynyń energetika jáne turǵyn úi-kommýnaldyq sharýashylyq basqarmasynyń, jumyldyrý daiyndyǵy, aýmaqtyq jáne azamattyq qorǵanys basqarmasynyń, Túrkistan oblysynyń veterinariia basqarmasynyń esepteri tyńdaldy.
Sonymen qatar, Túrkistan oblysynyń kásipkerlik jáne ónerkásip basqarmasy tarapynan keń taralǵan paidaly qazbalardy óndirýge arnalǵan litsenziia sharttarynyń jáne kelisimsharttardyń oryndalý barysy týraly másele qaraldy.
Depýtattar esepter boiynsha pikirlerin bildirip, óz usynystaryn engizdi. Atap aitqanda, oblystyq jumyldyrý daiyndyǵy, aýmaqtyq jáne azamattyq qorǵanys basqarmasyna:
- merzimdi áskeri mindettilerdi áskerge jiberý aldynda sapaly túrde meditsinalyq tekserýden ótkizýdi qadaǵalaýdy;
- oblys aýmaǵyndaǵy sý tasqynynyń, ormandaǵy órtterdiń aldyn alý sondai-aq, sý aidyndarynda azamattardyń qaýipsizdigin qamtamasyz etý sharalaryn qatań baqylaýǵa alýdy usyndy.
Sonymen qatar, Túrkistan oblystyq kásipkerlik jáne ónerkásip basqarmasyna:
- keń taralǵan paidaly qazbalardy óndirýge arnalǵan kelisimsharttardyń mindettemeleriniń oryndalýyn qadaǵalaýdy;
- keń taralǵan paidaly qazbalardy óndirýge arnalǵan litsenziialardyń jumysyna baqylaýdy kúsheitýdi usyndy.
Sondai-aq, 2023 jyly sessiiada Túrkistan oblysynyń veterinariialyq basqarmasyna máslihat sheshimimen usynylǵan usynystardyń tiisti deńgeide oryndalmaýyna bailanysty, Túrkistan oblysy ákimdigine sheshimdi oryndamaǵan laýazymdy tulǵalardy jaýapqa tartýdy usyndy.
Odan bólek, kadrlyq ózgeristerge bailanysty Túrkistan oblysy ákimdigi janyndaǵy birqatar komissiialardyń quramyna ózgerister engizildi.
Jalpy, sessiia jumysynda qaralǵan máseleler boiynsha máslihat depýtattary tiisti sheshimder qabyldady.
Óz kezeginde oblys ákimi N.Kósherov sessiia jumysyn qorytyndylap, máslihat jumysyna tabys tiledi.
