Túrkistan oblysynyń oqýshylary professor M.Ótelbaev atyndaǵy 7-8 synyptaǵylarǵa arnalǵan matematikadan respýblikalyq «Oilan tap» olimpiadasynda jeńiske jetti, dep habarlaidy Dalanews.kz
Jarys QR Oqý-aǵartý ministrliginiń «Daryn» respýblikalyq ǵylymi-praktikalyq ortalyǵy men Jambyl oblysy bilim basqarmasynyń «Jambyl daryny» mekemesiniń uiymdastyrýymen ótken.
Olimpiada - oqýshylardyń matematikaǵa degen qyzyǵýshylyǵyn arttyrýǵa, teoriialyq bilimderi men praktikalyq daǵdylaryn tereńdetip, bilim alýshylardyń qabiletterin arttyrýǵa baǵyttalǵan.
Jalpy Túrkistan oblysynan olimpiadaǵa barǵan 12 oqýshynyń 7-i júldeli oryndarmen oraldy.
Olardyń qatarynda 1-orynǵa Omar Sarybek men Iliias Dinmýhameduly ie boldy. Júldeli 3-orynǵa Ǵaini Aliakbar, Beksultan Dúisenbek, Batyrbek Sadýllaev, Dýlat Maqsatuly, Erken Mahmýd ie boldy. Sondai-aq, Shoqan Aidarov úzdik bilimi úshin arnaiy maqtaý qaǵazyna ie boldy.
