Túrkistan oblysynyń kópirlerine jóndeý jumystary júrgiziledi
Qazirgi tańda, jóndeýdi qajet etetin 6 kópirge jobalaý-smetalyq qujattamasyn ázirleýge memlekettik satyp alý rásimderi júrgizilýde.
Aǵymdaǵy jyly oblystyq jolaýshylar kóligi jáne avtomobil joldary basqarmasynyń tapsyrysymen Otyrar, Báidibek, Túlkibas aýdandary aýmaǵyndaǵy oblystyq mańyzy bar joldar boiyndaǵy 3 kópirge kúrdeli jóndeý jumystary júrgizilgen.
Onyń ishinde Túlkibas, Báidibek aýdandaryndaǵy kópirlerdiń qurylysy merziminen buryn biyl shilde aiynda tolyǵymen aiaqtalyp, halyq igiligi úshin paidalanýǵa berildi.
Al, Otyrar aýdanynyń «Otyrar-Temir» stantsiiasy baǵytyndaǵy joldyń boiyndaǵy kópir biyl qyrkúiek aiynda paidalanýǵa berilmek. Jóndeý jumystarynyń sapasy tapsyrys berýshi, tehnikalyq, avtorlyq qadaǵalaýshy jáne «Ulttyq jol aktivteri sapasy ortalyǵy» RMK Túrkistan oblysy filialynyń mamandary tarapynan turaqty baqylaýda boldy.
