Túrkistan oblysy men Ózbekstannyń arasyndaǵy saýda qatynastaryn odan ári damytý maqsatynda jalpy somasy 50 mln dollaryn quraityn 3 eksporttyq kelisimshartqa qol qoiyldy.
Jaqyn kúnderi ákimdiktiń qoldaýymen Túrkistan oblysynan Ózbekstan Respýblikasyna transformator jabdyqtaryn, kúrketaýyq eti men tońdyrylǵan siyr etin jetkizý bastalady.
Forým aiasynda eki eldiń jetekshi kásiporyndarynyń kórmesi ótip jatyr. Onda Túrkistan oblysynyń kásipkerleri forým qatysýshylaryn óz ónimderimen jan-jaqty tanystyrýda. Týristik kompaniialar óz kezeginde týristik jarnamalyq materialdaryn qoiyp, ońtústik óńiriniń týristik áleýetin nasihattaýǵa múmkindik aldy.
Bul shara kórshi elder arasyndaǵy saýda-ekonomikalyq qatynastardy nyǵaityp, ózara tiimdi yntymaqtastyq qarqynyn arttyra túsýge yqpal eteri sózsiz.
Túrkistan oblysy ákiminiń baspasóz qyzmeti
