تۇركىستان وبلىسى مەن وزبەكستاننىڭ اراسىنداعى ساۋدا قاتىناستارىن ودان ءارى دامىتۋ ماقساتىندا جالپى سوماسى 50 ملن دوللارىن قۇرايتىن 3 ەكسپورتتىق كەلىسىمشارتقا قول قويىلدى.
جاقىن كۇندەرى اكىمدىكتىڭ قولداۋىمەن تۇركىستان وبلىسىنان وزبەكستان رەسپۋبليكاسىنا ترانسفورماتور جابدىقتارىن، كۇركەتاۋىق ەتى مەن توڭدىرىلعان سيىر ەتىن جەتكىزۋ باستالادى.
فورۋم اياسىندا ەكى ەلدىڭ جەتەكشى كاسىپورىندارىنىڭ كورمەسى ءوتىپ جاتىر. وندا تۇركىستان وبلىسىنىڭ كاسىپكەرلەرى فورۋم قاتىسۋشىلارىن ءوز ونىمدەرىمەن جان-جاقتى تانىستىرۋدا. تۋريستىك كومپانيالار ءوز كەزەگىندە تۋريستىك جارنامالىق ماتەريالدارىن قويىپ، وڭتۇستىك ءوڭىرىنىڭ تۋريستىك الەۋەتىن ناسيحاتتاۋعا مۇمكىندىك الدى.
بۇل شارا كورشى ەلدەر اراسىنداعى ساۋدا-ەكونوميكالىق قاتىناستاردى نىعايتىپ، ءوزارا ءتيىمدى ىنتىماقتاستىق قارقىنىن ارتتىرا تۇسۋگە ىقپال ەتەرى ءسوزسىز.
تۇركىستان وبلىسى اكىمىنىڭ باسپا ءسوز قىزمەتى
