Búgin Túrkistan oblysy, Arys qalalyq máslihatynyń depýtaty Amantai Baitanaev kanvassing ótkizdi. Ol «Arys qalasynyń qurmetti azamaty», QR Bilim berý isiniń úzdigi, Mádeniet salasynyń úzdigi, aqyn Ábdikov Temirhan Qystaýbaiulynyń shańyraǵynda boldy. Depýtat "Nur Otan" partiiasynyń Arys qalasy boiynsha «Ózgerister joly: ár azamatqa laiyqty ómir!» sailaýaldy baǵdarlamasyn oryndaý jónindegi jol kartasy aiasynda qalada atqarylyp jatqan jumystarmen tanystyrdy.
Depýtat «Nurly jer» baǵdarlamasy aiasynda Arys qalasy, «Kóktem-2» shaǵynaýdanynan 5 qabatty, 60 páterlik №10, 11 turǵyn úilerdiń qurylysyna respýblikalyq jáne oblystyq biýdjet esepterinen qarjy qaralǵanyn, qurylys jumystary bastalǵanyna toqtaldy. Nysandar 2021 jyldyń qyrkúiek aiynda tolyǵymen aiaqtalyp, 120 otbasy baspanamen qamtamasyz etiletinin jetkizdi.
Sonymen qatar depýtat Arys qalasy, «Kóktem-2» shaǵynaýdanynan 5 qabatty, 60 páterlik №7,8 turǵyn úilerdiń qurylys-montaj jumystary 2020 jyldyń mamyr aiynda bastalyp, 2022 jyly aiaqtalatynyn, sailaýaldy baǵdarlamadaǵy árbir indikator partiia baqylaýynda ekenin jetkizdi.
Kezdesý sońynda Temirhan Ábdikov Arys qalalyq máslihat depýtattarynyń Jol kartasy aiasyndaǵy mejelerdi tolyq oryndaýǵa úles qosatyndaryna senim bildirdi. El aldyndaǵy amanatqa adal bolýǵa shaqyrdy.
Depýtat Amantai Baitanaev osy kúni slavian etno-mádeni ortalyǵynyń Arys qalasy boiynsha ókili, №8 V.Komarov mektebiniń bastaýysh synyp muǵalimi Liýbov Sholginananyń otbasynda bolyp, bilim salasy boiynsha atqarylyp jatqan jumystardy baiandady.
Jalpy Túrkistan oblysynda túrli deńgeidegi máslihattarda «Nur Otan» fraktsiiasynyń 263 depýtaty bar. Olar karantin talaptaryn saqtai otyryp kanvassing-kezdesýler, qoǵamdyq qabyldaý ótkizýdi jalǵastyrady. Sonymen birge tikelei áleýmettik jelide tikelei efirde «Depýtatqa suraq qoi» is-sharasy boiynsha turǵyndardyń suraqtaryna jaýap beredi.
«Nur Otan» partiiasy Túrkistan oblystyq filialynyń baspasóz qyzmeti
