بۇگىن تۇركىستان وبلىسى، ارىس قالالىق ءماسليحاتىنىڭ دەپۋتاتى امانتاي بايتانايەۆ كانۆاسسينگ وتكىزدى. ول «ارىس قالاسىنىڭ قۇرمەتتى ازاماتى»، ق ر ءبىلىم بەرۋ ءىسىنىڭ ۇزدىگى، مادەنيەت سالاسىنىڭ ۇزدىگى، اقىن ابدىكوۆ تەمىرحان قىستاۋباي ۇلىنىڭ شاڭىراعىندا بولدى. دەپۋتات "Nur Otan" پارتياسىنىڭ ارىس قالاسى بويىنشا «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسى اياسىندا قالادا اتقارىلىپ جاتقان جۇمىستارمەن تانىستىردى.
دەپۋتات «نۇرلى جەر» باعدارلاماسى اياسىندا ارىس قالاسى، «كوكتەم-2» شاعىناۋدانىنان 5 قاباتتى، 60 پاتەرلىك №10، 11 تۇرعىن ۇيلەردىڭ قۇرىلىسىنا رەسپۋبليكالىق جانە وبلىستىق بيۋدجەت ەسەپتەرىنەن قارجى قارالعانىن، قۇرىلىس جۇمىستارى باستالعانىنا توقتالدى. نىساندار 2021 جىلدىڭ قىركۇيەك ايىندا تولىعىمەن اياقتالىپ، 120 وتباسى باسپانامەن قامتاماسىز ەتىلەتىنىن جەتكىزدى.
سونىمەن قاتار دەپۋتات ارىس قالاسى، «كوكتەم-2» شاعىناۋدانىنان 5 قاباتتى، 60 پاتەرلىك №7،8 تۇرعىن ۇيلەردىڭ قۇرىلىس-مونتاج جۇمىستارى 2020 جىلدىڭ مامىر ايىندا باستالىپ، 2022 جىلى اياقتالاتىنىن، سايلاۋالدى باعدارلاماداعى ءاربىر ينديكاتور پارتيا باقىلاۋىندا ەكەنىن جەتكىزدى.
كەزدەسۋ سوڭىندا تەمىرحان ابدىكوۆ ارىس قالالىق ءماسليحات دەپۋتاتتارىنىڭ جول كارتاسى اياسىنداعى مەجەلەردى تولىق ورىنداۋعا ۇلەس قوساتىندارىنا سەنىم ءبىلدىردى. ەل الدىنداعى اماناتقا ادال بولۋعا شاقىردى.
دەپۋتات امانتاي بايتانايەۆ وسى كۇنى سلاۆيان ەتنو-مادەني ورتالىعىنىڭ ارىس قالاسى بويىنشا وكىلى، №8 ۆ.كوماروۆ مەكتەبىنىڭ باستاۋىش سىنىپ ءمۇعالىمى ليۋبوۆ شولگينانانىڭ وتباسىندا بولىپ، ءبىلىم سالاسى بويىنشا اتقارىلىپ جاتقان جۇمىستاردى باياندادى.
جالپى تۇركىستان وبلىسىندا ءتۇرلى دەڭگەيدەگى ءماسليحاتتاردا «Nur Otan» فراكسياسىنىڭ 263 دەپۋتاتى بار. ولار كارانتين تالاپتارىن ساقتاي وتىرىپ كانۆاسسينگ-كەزدەسۋلەر، قوعامدىق قابىلداۋ وتكىزۋدى جالعاستىرادى. سونىمەن بىرگە تىكەلەي الەۋمەتتىك جەلىدە تىكەلەي ەفيردە «دەپۋتاتقا سۇراق قوي» ءىس-شاراسى بويىنشا تۇرعىنداردىڭ سۇراقتارىنا جاۋاپ بەرەدى.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
