«Jańa jyl — otbasylyq mereke. Ásirese, bizdiń búldirshinder úshin bul meıramnyń orny erekshe. Balalarymyzdyń jarqyn kúlkisi men alańsyz balalyq shaǵyna jetetin baqyt joq. Osyǵan oraı, júrekke jylylyq uıalatqan mereke qarsańynda bas shyrshanyń shamyn jaqqaly turmyz. Endeshe Jańa jylda halqymyz ıgilikke, memleketimiz molshylyqqa, baqyt pen shattyqqa kenele bersin! Barshalaryńyzdyń shańyraqtaryńyzǵa shattyq, otbasylaryńyzǵa amandyq, isterińizge bereke tileımin. Jańa jyl barshamyz úshin berekeli, merekeli jyl bolsyn!», – dedi Janseıit Qanseıituly.
Sharada babalar, ertegi keıipkerleri jáne aıaz ata men aqshaqarlar merekelik sherý uıymdastyryp, sahnalyq kórinister qoıdy. Sondaı-aq, qalalyq mádenıet úıiniń ónerpazdary konserttik baǵdarlamasyn usyndy. Merekelik sharanyń sońy otshashýǵa ulasty.
Aıta keteıik, Esimhan alańyna qurylǵan shyrshanyń uzyndyǵy 20 metr. Shyrshany bezendirýge 3300-ge jýyq shar qoldanylǵan. Al, 8 metrlik kishi shyrshalar 300 dana sharmen áspettelgen. Alańdy túrli tústermen kómkerý úshin uzyndyǵy 4270 metrlik dıodty jaryqsham (gırlánda) tartylǵan.
Túrkistan oblysy ákiminiń baspasóz qyzmeti
