«جاڭا جىل — وتباسىلىق مەرەكە. ەسٸرەسە, بٸزدٸڭ بٷلدٸرشٸندەر ٷشٸن بۇل مەيرامنىڭ ورنى ەرەكشە. بالالارىمىزدىڭ جارقىن كٷلكٸسٸ مەن الاڭسىز بالالىق شاعىنا جەتەتٸن باقىت جوق. وسىعان وراي, جٷرەككە جىلىلىق ۇيالاتقان مەرەكە قارساڭىندا باس شىرشانىڭ شامىن جاققالى تۇرمىز. ەندەشە جاڭا جىلدا حالقىمىز يگٸلٸككە, مەملەكەتٸمٸز مولشىلىققا, باقىت پەن شاتتىققا كەنەلە بەرسٸن! بارشالارىڭىزدىڭ شاڭىراقتارىڭىزعا شاتتىق, وتباسىلارىڭىزعا اماندىق, ٸستەرٸڭٸزگە بەرەكە تٸلەيمٸن. جاڭا جىل بارشامىز ٷشٸن بەرەكەلٸ, مەرەكەلٸ جىل بولسىن!», – دەدٸ جانسەيٸت قانسەيٸتۇلى.
شارادا بابالار, ەرتەگٸ كەيٸپكەرلەرٸ جەنە اياز اتا مەن اقشاقارلار مەرەكەلٸك شەرۋ ۇيىمداستىرىپ, ساحنالىق كٶرٸنٸستەر قويدى. سونداي-اق, قالالىق مەدەنيەت ٷيٸنٸڭ ٶنەرپازدارى كونتسەرتتٸك باعدارلاماسىن ۇسىندى. مەرەكەلٸك شارانىڭ سوڭى وتشاشۋعا ۇلاستى.
ايتا كەتەيٸك, ەسٸمحان الاڭىنا قۇرىلعان شىرشانىڭ ۇزىندىعى 20 مەتر. شىرشانى بەزەندٸرۋگە 3300-گە جۋىق شار قولدانىلعان. ال, 8 مەترلٸك كٸشٸ شىرشالار 300 دانا شارمەن ەسپەتتەلگەن. الاڭدى تٷرلٸ تٷستەرمەن كٶمكەرۋ ٷشٸن ۇزىندىعى 4270 مەترلٸك ديودتى جارىقشام (گيرلياندا) تارتىلعان.
تٷركٸستان وبلىسى ەكٸمٸنٸڭ باسپاسٶز قىزمەتٸ
