Aldyn ala bekitilgen kestege sáikes, búgin oblys ákiminiń orynbasary Nurbol Turashbekov «Ashyq ákimdik» keńsesinde turǵyndardy jeke máselelerimen qabyldady. Qabyldaý barysynda Otyrar, Saýran, Saryaǵash aýdandary men Kentaý qalasynyń azamattary ótinishteri men shaǵymdaryn ortaǵa salyp, oblys ákimi orynbasarynyń kómegine júgindi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Otyrarlyqtar jekemenshik sý arnasyn memleket menshigine qaitaryp, sharýalarǵa jaǵdai jasaýdy surandy. Sonymen qatar jaiylymdyq jer aýqymyn keńeitý máselesin qarastyrýdy ótindi.
Saryaǵashtyq turǵyndar kommýnaldyq baspanany jekeshelendirý boiynsha páterlerdiń belgilengen qunyn tómendetý, jylýdy esepteý, sondai-aq balalar alańshasyn salý, káriz júiesin retteý jóninde usynystaryn jetkizdi. Kóterilgen kei suraqtardyń zańdylyǵy túsindirildi. Jer qujattaryn rásimdeý, áleýmettik máseleler boiynsha jaýapty mamandarǵa naqty tapsyrmalar júkteldi.
Aita keteiik, Túrkistan oblysynyń ákimi men onyń orynbasarlary bekitilgen kestege sáikes turaqty túrde jeke qabyldaý ótkizýde. Jeke qabyldaýǵa «eOtinish» biryńǵai bazasy arqyly nemese «Ashyq ákimdik» keńsesine kelip, jazylýǵa bolady.
