Túrkistan oblysynan 10 júk kóligine tielip jiberilgen 200 tonna gýmanitarlyq kómek Batys Qazaqstan oblysyna jetkizildi. Sonymen birge óńirden attanǵan 50 erikti de sol aimaqta gýmanitarlyq kómekti úilestirý, tasqyn sýdyń aldyn alý jumystaryn atqaryp jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qazaqstan halqy Assambleiasynyń «Júrekten júrekke» aktsiiasy aiasynda Túrkistan oblysy QHA janyndaǵy Túrkistan oblystyq ózbek jáne túrik etnomádeni birlestikteri birlese otyryp, 5 júk kóligine tielgen gýmanitarlyq kómekti sý basqan aimaqtarǵa jóneltken bolatyn.
Jalpy, búgingi kúnge deiin Túrkistan oblysy QHA janyndaǵy qurylymdar men etnomádeni birlestikterdiń uiymdastyrýymen sý basqan óńirlerge jalpy 88 million teńgeden astam qarjynyń gýmanitarlyq kómek jiberildi.
Sonymen birge sol kúni Saryaǵash, Otyrar, Keles, Sairam, Saýran aýdany men Kentaý qalasy turǵyndary atynan qajetti zattar tielgen júk kólikteri de jolǵa shyǵyp, Batys Qazaqstan oblysyna jetkizildi. Túrkistan qalasynan da birneshe júk kóligi Qostanai, Atyraý, Soltústik Qazaqstan oblystaryna jiberildi. Jalpy kómek kólemi shamamen 700 tonnadan asty. Áli de gýmantarlyq kómek jinaý jalǵasyp jatyr.
Túrkistan oblysy ákimdiginiń úilestirýimen 100-den astam aýry tehnika BQO-ǵa jiberildi. Jergilikti atqarýshy organdar tarapynan bul jumystar toqtamaidy.
Búginde sý basqan óńirlerge jumys kúshi de qajet. Osy maqsatta oblystan 150-den astam kásibi qutqarýshy SQO jáne BQO-da sý tasqynynyń aldyn alý jumystaryn júrgizýde. Oblystyq Jastar resýrstyq ortalyǵy jasaqtaǵan 50 erikti BQO-da sýdy bógeý, tosqaýyl qoiý jumystaryna kúndiz-túni kómektesip jatyr.
Budan bólek, Túrkistan oblysynan arnaiy BQO, Qostanai, Atyraý oblystaryna baryp, kómektesip jatqan azamattar da bar. Osy arqyly elimizde azamattyq qoǵam, eriktiler qozǵalysy, tutas eldiń otanshyldyq seziminiń joǵary deńgeige kóterilgeni ańǵaryldy. Uiymdastyrý, uiymdasý jumystary jaqsarǵan. Bul – el birliginiń jemisi!
Túrkistan oblysynda gýmanitarlyq kómek jinaý, sý basqan aimaqtarǵa qoldaý kórsetý jumystary jalǵasady.
