Túrkistan oblysynda zańsyz temeki ónimderin óndirýshilerdiń joly kesildi, dep habarlaidy zańsyz.
Atap aitqanda, ótken jyldyń naýryz aiynda oblys prokýratýrasynyń úilestirýimen Ekonomikalyq tergep-tekserý departamenti shegilmeitin temeki ónimderin (sniýs) zańsyz óndirýmen ainalysqan iri astyrtyn tsehtyń qyzmetin áshkereledi.
Atalǵan qylmystyq is boiynsha sot úkimi shyǵyp, kináli tulǵalar zańda belgilengen jaýaptylyqqa tartyldy.
Osy baǵyttaǵy jumystar jalǵasyn taýyp, aǵymdaǵy jyly Túrkistan oblysy prokýratýrasynyń úilestirýimen Keles jáne Ordabasy aýdandarynda shegilmeitin temeki ónimderin daiyndaýmen ainalysqan taǵy eki iri astyrtyn tseh anyqtalyp, olardyń qyzmeti tolyqtai toqtatyldy.
Tekserý barysynda atalǵan obektilerden 1 mln danadan astam tyiym salynǵan daiyn ónim, 30 tonnadan astam temeki shikizaty, aromatizatorlar men ýly himiialyq qospalar, óndiristik arnaiy jabdyqtar, sondai-aq 5 mln astam qaptamalyq paketter tárkilendi.
Zańsyz óndirilgen ónim elimizdiń barlyq aýmaǵyna turaqty ári úzdiksiz jetkizilip, saýdaǵa shyǵarylǵan.
Negizgi taratý kólemi Astana, Qaraǵandy, Shymkent jáne Pavlodar qalalarynda anyqtaldy.
Atalǵan fakti boiynsha Ekonomikalyq tergep-tekserý departamentimen QK 301-1-baby boiynsha sotqa deiingi tergep-tekserý júrgizilýde.
