تۇركىستان وبلىسىندا زاڭسىز تەمەكى ونىمدەرىن وندىرۋشىلەردىڭ جولى كەسىلدى، دەپ حابارلايدى زاڭسىز.

اتاپ ايتقاندا، وتكەن جىلدىڭ ناۋرىز ايىندا وبلىس پروكۋراتۋراسىنىڭ ۇيلەستىرۋىمەن ەكونوميكالىق تەرگەپ-تەكسەرۋ دەپارتامەنتى شەگىلمەيتىن تەمەكى ونىمدەرىن (سنيۋس) زاڭسىز وندىرۋمەن اينالىسقان ءىرى استىرتىن سەحتىڭ قىزمەتىن اشكەرەلەدى.

اتالعان قىلمىستىق ءىس بويىنشا سوت ۇكىمى شىعىپ، كىنالى تۇلعالار زاڭدا بەلگىلەنگەن جاۋاپتىلىققا تارتىلدى.

وسى باعىتتاعى جۇمىستار جالعاسىن تاۋىپ، اعىمداعى جىلى تۇركىستان وبلىسى پروكۋراتۋراسىنىڭ ۇيلەستىرۋىمەن كەلەس جانە ورداباسى اۋداندارىندا شەگىلمەيتىن تەمەكى ونىمدەرىن دايىنداۋمەن اينالىسقان تاعى ەكى ءىرى استىرتىن سەح انىقتالىپ، ولاردىڭ قىزمەتى تولىقتاي توقتاتىلدى.

تەكسەرۋ بارىسىندا اتالعان وبەكتىلەردەن 1 ملن دانادان استام تىيىم سالىنعان دايىن ءونىم، 30 توننادان استام تەمەكى شيكىزاتى، اروماتيزاتورلار مەن ۋلى حيميالىق قوسپالار، وندىرىستىك ارنايى جابدىقتار، سونداي-اق 5 ملن استام قاپتامالىق پاكەتتەر تاركىلەندى.

زاڭسىز وندىرىلگەن ءونىم ەلىمىزدىڭ بارلىق اۋماعىنا تۇراقتى ءارى ۇزدىكسىز جەتكىزىلىپ، ساۋداعا شىعارىلعان.

نەگىزگى تاراتۋ كولەمى استانا، قاراعاندى، شىمكەنت جانە پاۆلودار قالالارىندا انىقتالدى.

اتالعان فاكتى بويىنشا ەكونوميكالىق تەرگەپ-تەكسەرۋ دەپارتامەنتىمەن  قك 301-1-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.