باس پروكۋراتۋرا قازاقستاندىقتاردى ۇلتتىق بانكتٸڭ اتىن پايدالانىپ, قارجى جىمقىراتىن الاياقتاردان ساق بولۋعا ٷندەدٸ., دەپ حابارلايدى dalanews.kz.
ۆەدومستۆونىڭ مەلٸمەتٸنشە, سوڭعى بٸر جارىم اي ٸشٸندە وسىنداي 39 دەرەك تٸركەلگەن. الاياقتار ٶزدەرٸن ۇلتتىق بانك قىزمەتكەرٸ رەتٸندە تانىستىرىپ, ازاماتتاردى تٷرلٸ سىلتاۋمەن اقشا اۋدارۋعا كٶندٸرەدٸ.
مىسالى, جەزقازعان قالاسىنىڭ تۇرعىنىنا بەلگٸسٸز ادامدار حابارلاسىپ, ونىڭ بانكتٸك شوتتارىنداعى قاراجاتتى الاياقتار يەمدەنبەك بولىپ جاتقانىن ايتقان. كەيٸن ولار اقشانى «قاۋٸپسٸز شوتقا» اۋدارۋ قاجەت ەكەنٸن تٷسٸندٸرگەن. الاياقتاردىڭ سٶزٸنە سەنگەن ازامات دەپوزيتتەگٸ قاراجاتىن كٶرسەتٸلگەن شوتقا جٸبەرٸپ, سالدارىنان 9 ميلليون تەڭگەدەن ايىرىلىپ قالعان.
باس پروكۋراتۋرا مەملەكەتتٸك ورگانداردىڭ قىزمەتكەرلەرٸ تەلەفون ارقىلى نەسيە رەسٸمدەۋدٸ, مٷلٸكتٸ ساتۋدى نەمەسە اقشانى باسقا شوتتارعا اۋدارۋدى تالاپ ەتپەيتٸنٸن ەسكە سالدى.
سونداي-اق ازاماتتارعا SMS ارقىلى كەلەتٸن راستاۋ كودتارىن, پارولدەردٸ, بانك كارتالارىنىڭ دەرەكتەرٸن جەنە باسقا دا جەكە مەلٸمەتتەردٸ بٶگدە ادامدارعا جارييا ەتپەۋ ۇسىنىلدى.
