Túrkistan oblysynda «Taza Qazaqstan» baǵdarlamasynyń oryndalýy turaqty baqylaýda. Atalǵan baǵdarlama aiasyndaǵy jumystar oblys ákimi Nuralhan Kósherovtiń tóraǵalyǵymen ótken májiliste talqylandy. Oblys ákiminiń birinshi orynbasary Zulpyhar Joldasov óńirde atqarylyp jatqan jumystarǵa toqtaldy,- dep habarlaidy Dalanews.kz
Ótken aptanyń ózinde eldi mekenderde 173 tazalyq is-sharasy ótti. Nátijesinde, 58 028 turǵyn qatysyp, 173 tonna qoqys shyǵaryldy. Jalpy baǵdarlama aiasynda bekitilgen josparlardyń oryndalýy turaqty qadaǵalanýda. «Taza Qazaqstan» ulttyq jobasyn qoldaý maqsatynda Túrkistan oblysynyń tanymal sportshylary men sport salasynyń ókilderi belsendilik tanytyp, óz úlesterin qosýda. Olimpiada júldegeri Sáken Bibosynov, Shardara qalasynyń armrestling sheberleri, sondai-aq Saǵyndyq Toǵambai, Uljan Sársenbek, Didar Hamza syndy tanymal sportshylar atalǵan bastamany qoldaýda.
Jastar arasynda ekologiialyq mádenietti arttyrý maqsatynda «Jas Turkistan» volonterlik assotsiatsiiasy qurylyp, oǵan óńirdegi erikti uiymdar men bastamashyl toptar biriktirildi. Qazirgi tańda bul qurylym aiasynda eriktiler 6 negizgi baǵyt boiynsha júieli jumys júrgizýde. Búgingi kúnge deiin oblys kóleminde 253 senbilik, 17 seminar-trening, 29 ekoploging, 1000-nan astam ekologiialyq únparaq taratylyp (broshiýra), 23 sporttyq jarys, 9 ekologiialyq chellendj jáne 7 eko-marafon uiymdastyryldy.
Búgingi kúnge, «TazaQazBot» aqparattyq júiesine 2928 ótinim túsken, onyń ishinde, 2920-y oryndalǵan, 8 ótinim oryndalý barysynda. Tártipti saqtaý maqsatynda biyl qoǵamdyq oryndarda sanitarlyq talaptaryn saqtamaǵan tulǵalarǵa 20 169 hattama toltyrylǵan. Jalpy 455 mln. teńge aiyppul salyndy.
