Túrkistan oblysynda óńir basshysy Darhan Satybaldynyń tapsyrmasyna sáikes kezekti senbilik uiymdastyryldy. «Taza Qazaqstan» aktsiiasy aiasynda ótken aýqymdy sharaǵa jergilikti ákimdikter, barlyq memlekettik mekeme men kásipkerlik uiymdar, belsendiler men eriktiler qatysyp, bekitilgen aýmaqtarda tazalyq jáne aǵash kóshetterin egý jumystary júrgizildi, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Senbilik – tazalyq ainasy» atty taqyrypta barlyq aýdan, qaladaǵy jastar ortalyqtary da atsalysty.
Senbiliktiń maqsaty – qorshaǵan ortany taza ustaýǵa, ekologiialyq tazalyqty saqtaýǵa atsalysý týǵan jerge degen súiispenshilikterin oiatý. Sonymen qatar árbir azamat oblysymyzdyń tazalyǵy men kórkeiýine úles qosý. Sondai-aq aýdan, qala kóshelerindegi tazalyqty saqtaý jáne ekologiialyq mádenietti qalyptastyrý máselelerine qoǵam nazaryn aýdartýǵa baǵyttalǵan.
Atqarylǵan jumystardyń nátijesinde bir jarym myńdai kóshe boiy tazalandy. 850 tonna qoqys shyǵaryldy. Budan bólek aǵashtar áktelindi, aiaq joldary qoqystan tazartyldy. Saiabaqtar jáne skverler, balalar jáne sport alańshalary retke keltirildi. Kópirler, ózender, kanaldar men bulaqtardyń arnalary jinaldy. Kóp qabatty turǵyn úi mańyndaǵy aýmaqtary men aýlalaryn, jertólelerin, kire beristeri (podezd) tazartyldy. Úi qasbetterine ákteý jáne syrlaý jumystary júrgizildi. 145 myńǵa jýyq aǵash jáne buta otyrǵyzyldy. Jalpy on bes myńdai adam senbilikke qatysyp, 239 tehnika jumyldyryldy.
Qorshaǵan ortanyń tazalyǵyna jaýapkershilikpen qaraý – árbir azamattyń basty mindeti. Árbir turǵyn ózi turatyn úidiń aýlasyn taza ustasa, bul olardyń óńir tazalyǵyna qosqan úlesi.
