Biyl sáýir aiynan bastap búgingi kúnge deiin «Taza Qazaqstan» baǵdarlamasy aiasynda mádeniet qyzmetkerleri tarapynan tazalyq jumystary men ákteý, syrlaý jumystary kezeń-kezeńimen turaqty júrgizilýde, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bir ǵana Mádeniet basqarmasyna qarasty 23 mádeniet jáne óner mekemesi men aýdan, qalalardaǵy 264 mádeniet oshaǵynda 60 myńǵa jýyq qyzmetker senbilik jumystaryna tartylyp, óz aýmaqtary boiynsha tazalyq jumystary júrgizgen. Tazalyq is-sharasyn el arasynda keńinen nasihattaýǵa 187 óner juldyzy men mádeniet qyzmetkerleri tartylyp, áleýmettik jeliler arqyly beine-úndeýler joldady.
Jalpy oblysta 1780 tarihi-mádeni mura nysany bolsa, onyń 1500-den astamy arheologiialyq zerttelgen jáne zertteýdi qajet etetin obalar qorymy men tóbeshikter. 167 nysan halyq kóp shoǵyrlanatyn, týristerdiń kelýine ynǵailastyrylǵan, ziiarat etetin, memlekettik tizimge alynǵan tarihi-mádeni mura obktileri bolyp sanalady. Baǵdarlama aiasynda atalǵan mádeni mura nysandaryna tazalyq jumystaryn júrgizý úshin basqarma tarapynan 12 mobildi jumys toby quryldy. 16 shildeden bastap jumys toby tazalyq jumystaryna kiristi. Nátijesinde 29 nysan tolyǵymen 456 qap qoqys shyǵaryldy. Osy jumystarǵa basqarmaǵa qarasty mádeniet jáne óner mekemeleri men aýdan, qalalardaǵy mádeniet jáne tilderdi damytý bólimderiniń qyzmetkerlerin qosa alǵanda 400-ge jýyq adam tartyldy.
Shilde aiynda Kentaý qalasy ákimdigimen birlese otyryp, Ashysai demalys aimaǵynda Basqarma tarapynan mádeniet jáne óner mekemelerinen 150 qyzmetker tazalyq jumystaryn júrgizdi. 26-31 tamyz kúnderi indikatorly kórsetkishke sáikes aýdandar boiynsha aýqymdy sharaǵa 1982 qyzmetker tartyldy.
Aýdan, qalalarda mereke qarsańynda óz óńiriniń ákimderimen birlesip joǵarǵy deńgeide is-sharalar ótti. Túrkistan oblysy ákiminiń birinshi orynbasary Z.Joldasovtyń tóraǵalyǵymmen biylǵy 23 tamyzda ótken májiliste «Taza Qazaqstan» respýblikalyq aktsiiasy boiynsha bekitilgen №68 hattamalyq tapsyrmasynyń 4 tarmaǵyna sáikes bektilgen merziminde Túrkistan qalalyq mádeniet úii «Qala tazalyǵy – perzenttik paryzym» taqyrybynda 24 shildede kontserttik baǵdarlama uiymdastyryp, halyqqa úgit-nasihat jasalyndy.
Aita keteiik, senbilik maqsaty – qorshaǵan ortany taza ustaýǵa, ekologiialyq tazalyqty saqtaýǵa atsalysý týǵan jerge degen súiispenshilikterin oiatý. Sonymen qatar árbir azamat oblysymyzdyń tazalyǵy men kórkeiýine úles qosý. Sondai-aq aýdan, qala kóshelerindegi tazalyqty saqtaý jáne ekologiialyq mádenietti qalyptastyrý máselelerine qoǵam nazaryn aýdartýǵa baǵyttalǵan.
