Qazaqstan halqy Assambleiasynyń qurylǵanyna 30 jyl tolýyna orai «Eltaný» mádeni-aǵartý jobasy aiasynda etnos jastarynyń qatysýymen «Sozaqtan Túrkistanǵa» atty arnaiy ekspeditsiiasy uiymdastyryldy. Bul týraly Qoǵamdyq damý basqarmasy "Qoǵamdyq kelisim" KMM-ń baspasóz ortalyǵynyń jetekshisi Sábit Tastanbekuly baiandady,- dep habarlaidy Dalanews.kz
«Bul ekspeditsiiaǵa óńirdegi «Assambleia jastarynyń» belsendi músheleri, Túrkistan oblystyq qoǵamdyq damý basqarmasy «Qoǵamdyq kelisim» KMM-ń basshylyǵy men qyzmetkerleri jáne BAQ ókilderi qatysty. Sapar aiasynda oblysy aýmaǵyn ekige bólip jatqan Qarataý taýyn teriskeiden kúngei baǵytynda júrip ótý kózdeldi. Ekspeditsiia óz maqsatyn joǵary deńgeide oryndady deýge bolady. Tarihi derekterge sáikes, bul joldy Kenesary han áskerimen ýaqytty únemdeý jáne qysqartý úshin paidalanǵan. Ekspeditsiiaǵa qatysýshy túrli etnos jastaryn tarihi marshrýtty qaita jańǵyrtýǵa, Qarataýdyń flora men faýnasyn zertteýge, foto-beinetúsirilim jasap, qalyń buqaraǵa jariia etýge tikelei qatystyrý boldy. Sonymen qatar, atalǵan marshrýtty kartaǵa túsirip, aldaǵy ýaqytta keletin týristerge jol belgilep berý»,- dedi spiker.
Sondai-aq baspasóz jiynynda «Turkistan Media Holding» JShS-ń basqarýshy direktory Telman Beisen sapar aiasynda alǵan áserimen bólisti.
«Ekspeditsiia barysynda qatysýshylar eń birinshi Qazaq handyǵynyń alǵashqy astanasy Sozaq qalashyǵymen tanysty. Odan keiin Qarabýra áýlie kesenesi, Shaihy Ahmet meshiti tarihy týraly jergilikti aqsaqaldardan maǵlumat aldy. Kúngeige barar jolda saiahatshylar Haqnazar han, Muhammed Hanafiia keseneleri, Balyqshy, Bógenbai, Qulmetei áýlielerge, myń jyldyq tut aǵashy ósip turǵan jáne Taiqazan quiylǵan Qarnaq aýylyna kirip, sońynda Túrkistan qalasyna jettik. Uzaqtyǵy 110 shaqyrymǵa jýyq joldy qatysýshylar 2 kúnde júrip ótti. Etnos jastarynyń aitýynsha, buǵan deiin estip-kórmegen tarihi-mádeni nysandardy taný arqyly qazaq halqynyń rýhani jáne ulttyq qundylyqtaryn boiyna sińirip, jańa týristik marshrýtty ashýǵa tikelei qatysý - týǵan jer tarihyna degen qyzyǵýshylyn arttyra tústi»,- dedi ol.
