Qazylar alqasynyń sheshimine sáikes «Kásipqoi jáne stýdentter» nominatsiiasy boiynsha Bas júlde almatylyq Madina Erlanovaǵa berilse, birinshi orynǵa astanalyq Altynbek Ábilda, Ózbekstan Respýblikasynan Abdýlla Shirinov, Shymkent qalasynan Nurqanat Tapiev laiyq dep tanyldy. Ekinshi orynmen Tashkent qalasynan kelgen Antonina Nesterova, Astana qalasynan Qaisar Muhtar, Tashkentten Rishat Reshitov marapattalsa, úshinshi orynǵa Túrkistan oblysynan Aidar Baiymbetovti, tashkenttik Doroteia Zaharovany, qyzylordalyq Rýslan Ryzmanovty, ózbekstandyq Farrýh Ismatovty laiyq dep tapty. Sondai-aq, qazaq romansy boiynsha almatylyq Maqsat Kádir birinshi orynǵa, astanalyq Gúlnur Jaqsylyqova ekinshi orynǵa, almatylyq Mariam Nýrlla úshinshi orynǵa, almatylyq Samat Shoiov úshinshi orynǵa ie boldy.
Biyl jiyrma birinshi ret uiymdastyrylǵan óner dodasyna 70-ke jýyq úmitker qatysty.
Baiqaýdy uiymdastyrýǵa Reseidiń óner qairatkeri, Eńbek sińirgen ártisi Galina Preobrajenskaia qoldaý kórsetip, jyl saiyn ár qorytyndy gala-kontsertti ózi júrgizip, tyńdarmandaryna airyqsha áserge syilap keledi.
Sonymen qatar, jyl saiyn baiqaý jeńimpazdaryna jeltoqsan aiynda Máskeý qalasyndaǵy Odaqtar úiiniń Kolonna zalynda ótetin dúniejúzilik romans oryndaýshylarynyń qorytyndy baiqaýyna qatysý úshin joldama beriledi.
Romansiadanyń jeńimpazdary – Abdýmalik Abdýkaiýmov, Dina Hamzina, Bereke Enkebaeva, Ramiz Ýsmanov, Ilona Ten, Baýyrjan Isaev, Qarakóz Abdýsharipova, Jeńisbek Piiazov, Bahyt Jaqypov Eýropa, TMD elderi men elimizdiń eń tanymal sahnalarynda óner kórsetip júr.
Baiqaý «Kásipqoi jáne stýdentter» jáne «Qazaq romansy» nominatsiialary úshin uiymdastyrylǵan.
Búginde romansiada Orta Aziia memleketteri men alys jáne jaqyn shet elderden, elimizdiń barlyq oblystarynan úmitkerler qatysatyn tanymal baiqaýǵa ainaldy.
Qazaq romansiadasy jyl óte aiaqqa nyq turyp, jyldan-jylǵa túrlenip, qazaq romanstary men qazaq akademiialyq vokaldyq mýzykasyn keńinen nasihattap keledi.
Mádeniet jáne tilderdi damytý basqarmasynyń baspasóz qyzmeti
