Túrkistan oblysynda reprodýktivti densaýlyq aptalyǵy bastaldy. Bul týraly brifingte QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiia múshesi Baian Jandosova málimdedi, dep habarlaidy Dalanews.kz
2025 jyldyń 12-18 mamyr aralyǵynda elimiz boiynsha halyqtyń «Reprodýktivti densaýlyǵyn qorǵaý» aptalyǵy dep jariialanǵan. Osy rette, Túrkistan oblysyna qarasty Túrkistan, Kentaý qalalary men Báidibek aýdanynda júktilikke deiingi densaýlyq pen otbasyn josparlaý baǵytynda is-sharalar ótedi.
Jalpy sharalar halyqtyń reprodýktivti densaýlyǵyn qorǵaý jáne otbasyn josparlaý máseleleri boiynsha aqparattyq-aǵartý jumystaryn kúsheitý maqsatynda ótkiziledi.
«Túrkistan oblysy respýblikada bala týý kórsetkishi boiynsha kósh basynda. Eki millionnan asa turǵyny bar oblysta ótken jyly 50 214 myńǵa jýyq náreste týylsa, sońǵy 4 aida 15 094 myń bala ómirge kelgen. Al, oblystaǵy fertildi jastaǵy iaǵni, bala týý jasyndaǵy áielderdiń sany - 453 235. Onyń ishinde júkti áielder – 42 788, qaýipti faktorlarmen qaýip-qater tobyndaǵylar - 12 745, ekstragenitaldy aýrýlarymen aýyratyndar - 4 348, absoliýttik qarsy kórsetkishteri bar - 617. Sonymen qatar, Túrkistan oblysy boiynsha 2024 jyly jatyr moinynyń obyrymen «D» esepke – 132 áiel alynǵan. Sonyń ishinde 3-4 dárejesimen 14 jaǵdai tirkelse, 30 jaǵdaiy ólimmen aiaqtalǵan»,- dedi oblystyq Densaýlyq saqtaý basqarmasynyń basshysynyń «Ana men bala densaýlyǵyn qorǵaý isi» jónindegi orynbasary Madina Erejepqyzy.
Budan bólek, brifingke qatysqan QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiia múshesi Nazym Janǵazinova men oblystyq Densaýlyq saqtaý basqarmasynyń shtattan tys «Erte júktilik boiynsha» jáne «Adam papilloma virýsyna qarsy» immýnizatsiialaý boiynsha jaýapty koordinator mamany Zamira Ótegenova «Reprodýktivti densaýlyǵyn qorǵaý» aptalyǵynyń mańyzdylyǵyna toqtaldy.
