تٷركٸستان وبلىسىندا رەپرودۋكتيۆتٸ دەنساۋلىق اپتالىعى باستالدى. بۇل تۋرالى بريفينگتە قر پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا مٷشەسٸ بايان جاندوسوۆا مەلٸمدەدٸ, دەپ حابارلايدى Dalanews.kz
2025 جىلدىڭ 12-18 مامىر ارالىعىندا ەلٸمٸز بويىنشا حالىقتىڭ «رەپرودۋكتيۆتٸ دەنساۋلىعىن قورعاۋ» اپتالىعى دەپ جارييالانعان. وسى رەتتە, تٷركٸستان وبلىسىنا قاراستى تٷركٸستان, كەنتاۋ قالالارى مەن بەيدٸبەك اۋدانىندا جٷكتٸلٸككە دەيٸنگٸ دەنساۋلىق پەن وتباسىن جوسپارلاۋ باعىتىندا ٸس-شارالار ٶتەدٸ.
جالپى شارالار حالىقتىڭ رەپرودۋكتيۆتٸ دەنساۋلىعىن قورعاۋ جەنە وتباسىن جوسپارلاۋ مەسەلەلەرٸ بويىنشا اقپاراتتىق-اعارتۋ جۇمىستارىن كٷشەيتۋ ماقساتىندا ٶتكٸزٸلەدٸ.
«تٷركٸستان وبلىسى رەسپۋبليكادا بالا تۋۋ كٶرسەتكٸشٸ بويىنشا كٶش باسىندا. ەكٸ ميلليوننان اسا تۇرعىنى بار وبلىستا ٶتكەن جىلى 50 214 مىڭعا جۋىق نەرەستە تۋىلسا, سوڭعى 4 ايدا 15 094 مىڭ بالا ٶمٸرگە كەلگەن. ال, وبلىستاعى فەرتيلدٸ جاستاعى ياعني, بالا تۋۋ جاسىنداعى ەيەلدەردٸڭ سانى - 453 235. ونىڭ ٸشٸندە جٷكتٸ ەيەلدەر – 42 788, قاۋٸپتٸ فاكتورلارمەن قاۋٸپ-قاتەر توبىنداعىلار - 12 745, ەكستراگەنيتالدى اۋرۋلارىمەن اۋىراتىندار - 4 348, ابسوليۋتتٸك قارسى كٶرسەتكٸشتەرٸ بار - 617. سونىمەن قاتار, تٷركٸستان وبلىسى بويىنشا 2024 جىلى جاتىر موينىنىڭ وبىرىمەن «د» ەسەپكە – 132 ەيەل الىنعان. سونىڭ ٸشٸندە 3-4 دەرەجەسٸمەن 14 جاعداي تٸركەلسە, 30 جاعدايى ٶلٸممەن اياقتالعان»,- دەدٸ وبلىستىق دەنساۋلىق ساقتاۋ باسقارماسىنىڭ باسشىسىنىڭ «انا مەن بالا دەنساۋلىعىن قورعاۋ ٸسٸ» جٶنٸندەگٸ ورىنباسارى مادينا ەرەجەپقىزى.
بۇدان بٶلەك, بريفينگكە قاتىسقان قر پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا مٷشەسٸ نازىم جانعازينوۆا مەن وبلىستىق دەنساۋلىق ساقتاۋ باسقارماسىنىڭ شتاتتان تىس «ەرتە جٷكتٸلٸك بويىنشا» جەنە «ادام پاپيللوما ۆيرۋسىنا قارسى» يممۋنيزاتسييالاۋ بويىنشا جاۋاپتى كوورديناتور مامانى زاميرا ٶتەگەنوۆا «رەپرودۋكتيۆتٸ دەنساۋلىعىن قورعاۋ» اپتالىعىنىڭ ماڭىزدىلىعىنا توقتالدى.
