Zamanaýı tehnologıalardyń kómegimen iske asyp jatqan jańa bastama qazirdiń ózinde oń nátıje berýde. Máselen, sıflandyrýdyń arqasynda bilim berý salasynda balabaqshaǵa balany qabyldaý jáne joldama berý prosesteri adamnyń qatysýynsyz júrgizile bastaǵan.
Elbasy halyqqa arnaǵan Joldaýynda qyzmetterdiń sapasyn jaqsarta otyryp, eńbek ónimdiligin kóterýde sıfrlandyrý júıesiniń mańyzy zor ekenin atap ótken bolatyn. Osy rette óńir basshysy Janseıit Túımebaevtyń bastamasymen elimizde alǵashqy bolyp aqparattandyrý, memlekettik qyzmetter kórsetý salasynda arnaıy basqarma qurylǵanyn aıryqsha atap aıtýǵa bolady. Ondaǵy maqsat «Sıfrlyq Qazaqstan» memlekettik baǵdarlamasyn júzege asyrý, onyń ishinde memlekettik kórsetiletin qyzmetterdi elektrondyq formatqa kóshirý bolǵany barshaǵa málim. Búginde basqarma tabysty jumys istep, oblys ákiminiń senimin aqtady desek bolady.
Turǵyn úı kezegine turý máselesi árdaıym halyqtyń qyzý talqysyna túsetindikten, jańa joba bul salaǵa da engizilgen. Nátıjesinde zańsyz sheshim qabyldaýǵa jol bermeıtin «Turǵyn úı qatynastary» páterlerdi bólýdiń avtomattandyrylǵan júıesi iske asyrylýda. Osynyń arqasynda ótinishterdi qaraýdyń orta merzimi 2 aıdan 20 kúnge qysqaryp, azamattar tarapynan aryz-shaǵymdar azaıǵan.
Sondaı-aq, sıfrlandyrý júıesi engizilgeli aýyl sharýashylyq salasynda da oń ózgeris baıqalǵan. Máselen, robottardyń arqasynda «Bórte Mılka» sút-taýarly kompleksi sapaly ónim shyǵaryp keledi. Aldaǵy ýaqytta atalǵan salada «Aqyldy óris», «Aqyldy sýarý» jobalary qolǵa alynbaq.
Pılottyq jobalardan bólek zamanaýı tehnologıalar turǵyn úı-kommýnaldyq sharýashylyǵy, densaýlyq saqtaý, týrızm, memlekettik qyzmetter kórsetý, arhıv salalaryn da synaqtan ótkizilýde.
Túrkistan oblysy ákiminiń baspasóz qyzmeti
